Pózdnja lipa

Pózdnja lipa
Tilia cordata - Köhler–s Medizinal-Pflanzen-139.jpg
Pózdnja lipa (Tilia cordata)
systematika
Domena Eukaryoty
Swět Rostlinstwo
  Eurosidy II
rjad: (Malvales)
swójba: Šlězowe rostliny (Malvaceae)
podswójba: Lipowe rostliny (Tilioideae)
ród: Lipa [1] [2] (Tilia)
družina: Pózdnja lipa
wědomostne mjeno
Tilia cordata
P.Mill.
Wobdźěłać
p   d  
Information icon.svg

Pózdnja lipa (Tilia cordata) je štom z podswójby lipowych rostlinow (Tilioideae) znutřka swójby šlězowych rostlinow (Malvacea).

Wopis

Pózdnja lipa je štom, kotryž docpěje wysokosć wot 10 hač do 30 m. Rostlina je čućiwa přećiwo sypanskej seli.

Króna je husta, šěroka a horbata. Zdónk je mócny, runy a zwjetša krótki a ma podołhostnje brózdźenu, husto rjapikatu, načorń šěru skoru.

Młode hałuzy a pupki su oliwozelene abo čerwjenojte. Zymske pupki su jejkojte, njesu 2-3 nahe, zelene hač čerwjene šupizny a docpěwaja dołhosć wot 5 hač do 7 mm. Nakónčny pupk faluje.

Łopjena

Měnjate, dołho stołpikate łopjena docpěja dołhosć wot 2 hač do 10 cm a su křiwje wutrobojte, zubate, tołstojte-proste a na hornim boku mutne, ćmowozelene a na delnim boku šěro módrozelene. Rozporowe kuty hłownych nerwow njesu brunojte horšće włosow. Jich stołpik je nahi a docpěwa dołhosć wot 2 hač do 5 cm. Łopjency docpěja dołhosć a šěrokosć wot 3 hač do 10 cm. Kroma je runostajnje rězana.

Kćenja

Bombus hypnorum - Tilia cordata - Keila.jpg
Tilia cordata

Kćěje wot junija hač julija, něhdźe 14 dnjow pozdźišo hač zažna lipa. Žołtojće běłe, wonjace, dwusplažne kćenja so po łopjenach jewja a steja po třoch hač po dźesaćoch (dwanaćoch) we kwětnistwje a docpěja wulkosć wot 1 hač 1,5 cm. Wone su ze swětłym, křidleškojtym, 4 hač 8 cm dołhim nošnym łopješkom zarosćene. Pjeć krónowych łopješkow docpěje dołhosć wot 4 hač 8 mm a je nažołć běłe a owalne. Keluškowe łopješka su jejkojte, běłe, kosmate a docpěja dołhosć wot 3 mm. 30 próškowych łopješkow steji w pjeć promjenjach a je wšě płódne.

Płody

Płody su ćeńkosćěnate, kožojte a njejasnje hranite. Wone docpěja tołstosć wot 5 hač do 7 mm a jenož jedne symjo wobsahuja. Płódnistwo docpěje dołhosć wot 8 hač do 10 cm. Kředliška docpěja šěrokosć wot 8 hač do 15 mm a njedosahuja hač k spódkej stołpika płódnistwa. Płody w septembrje dozrawja.

Other Languages
asturianu: Tilia cordata
azərbaycanca: Ürəkvari cökə
башҡортса: Йүкә
žemaitėška: Lėipa (augals)
беларуская: Ліпа драбналістая
Cebuano: Tilia cordata
čeština: Lípa malolistá
Deutsch: Winterlinde
English: Tilia cordata
Esperanto: Etfolia tilio
español: Tilia cordata
hrvatski: Malolisna lipa
íslenska: Hjartalind
italiano: Tilia cordata
қазақша: Өзекті жөке
Lëtzebuergesch: Wanterlann
lietuvių: Mažalapė liepa
latviešu: Parastā liepa
кырык мары: Пистӹ
Nederlands: Winterlinde
norsk nynorsk: Lind
norsk: Lind
Piemontèis: Tilia cordata
română: Tei pucios
slovenčina: Lipa malolistá
српски / srpski: Ситнолисна липа
svenska: Lind
українська: Липа серцелиста
Tiếng Việt: Đoạn lá nhỏ
Winaray: Tilia cordata
中文: 小叶椴