Trooid-ghaalaghey

Stoma ayns duillag ooyl ghraih liorish caslys daahit mynreayrtan lectrane scaney.

She obbyr gollrish gaalaghey eh trooid-ghaalaghey. T'eh çheet er coayl gaal ass lossreeyn (gollrish ollish), ass duillagyn son y chooid smoo, agh ny keayrtyn, ass blaaghyn, gish as fraueyn myrgeddin. Ta stomata er feie eaghtyr ny duillagyn, as ny smoo jeu er eaghtyr s'inshley y duillag, dy cadjin. Ta killagyn skaa mygeayrt oc, as t'ad fosley as dooney y doral.[1] Ta trooid-ghaalaghey duillagagh goll trooid ny stomata. T'eh myr "costys" bentyn rish fosley ny stomata er son dy lhiggey da daa-ocseed charboan goll nyn drooid dys co-haaghey sollysh. Chammah's shen, t'eh feayraghey lossreeyn, as t'eh femoil er son gleashaght stoo dy ushtey as beaghey jeh fraueyn dys stholeyn.

Liorish ushtey skeaylley magh ass ny stomata dys yn aeraght, ta çhionnid ushtey ginjillaghey ayns ayrnyn s'ardjey y lus. Myr shen, ta ushtey 'sy sylem gleashaghey seose ass ny fraueyn, as ymmyrkey stoo meainagh myrane lesh. Ta ushtey noa goll er soo stiagh ayns ny fraueyn liorish trooid-heeltaght.

Ta reat troooid-ghaalaghey kianglt rish foshlaght ny stomata, as yn aeraght mygeayrt ec ny duillagyn. Ta geyrid sollys, çhiassid, fliughys as bieauid ny geayee bentyn rish, chammah's tashlys ny thallooin. Foddee billey aasit coayl ymmodee keead galloon dy ushtey trooid ny duillagyn er laa çheh çhirrym. Ta mysh 90% jeh'n ushtey ta ny fraueyn soo stiagh goll er coayl 'syn aght shoh.

Ta strughtooryn er lheh ec lossreeyn faasagh as bearkanee, myr sampleyr, craaish çhiu, eaghtyr duillag beg, stomata injil, as renaigyn er son dy injillaghey trooid-ghaalaghey as freayll ushtey. Ta cactyssyn co-haaghey sollysh ayns gish hooagh, cha nel ayns duillagyn, as myr shen ta eaghtyr beg ec y sthole. Ta ymmodee lossreeyn faasagh co-haaghey sollysh liorish soe geayr crassulaceagh (SGC); ta ny stomata doont car y laa as foslit rish yn oie, tra ta trooid-ghaalaghey ny sloo.

Imraaghyn

  1. Benjamin Cummins (2007). Biological Science, 3 (Baarle), Freeman, Scott, 215.
Other Languages
العربية: نتح
azərbaycanca: Transpirasiya
беларуская: Транспірацыя
български: Транспирация
bosanski: Transpiracija
čeština: Transpirace
Deutsch: Transpiration
Ελληνικά: Διαπνοή
English: Transpiration
فارسی: ترادمش
Gaeilge: Trasghalú
hrvatski: Transpiracija
Bahasa Indonesia: Transpirasi
italiano: Traspirazione
日本語: 蒸散
қазақша: Транспирация
한국어: 증산
Кыргызча: Транспирация
lietuvių: Transpiracija
latviešu: Transpirācija
македонски: Транспирација
Bahasa Melayu: Transpirasi
नेपाली: उत्स्वेदन
polski: Transpiracja
português: Transpiração
русский: Транспирация
srpskohrvatski / српскохрватски: Transpiracija
Simple English: Transpiration
slovenščina: Transpiracija
српски / srpski: Транспирација
svenska: Transpiration
Türkçe: Transpirasyon
українська: Транспірація
oʻzbekcha/ўзбекча: Transpiratsiya
Tiếng Việt: Thoát hơi nước
中文: 蒸腾作用