Torrada (doce)

Este artigo trata sobre o doce feito con pan, leite e ovo, para a rebanda de pan torrada véxase: torrada.
Torrada.

A torrada[1] é unha sobremesa doce que consiste nunha rebanda de pan (adoita estar reseso) enchoupada en leite e ovo batido, frixida nunha tixola en aceite e cuberta de azucre. Existen variantes enchoupadas en viño e adozadas con mel. Aromatízanse tamén con canela ou algún licor.

Na bibliografía galega noméase dende os textos do Rexurdimento; fálase en numerosas obras que describen a vida cotiá: torradas de viño, ovos pras torradas, torradas de mel e manteiga..., polo que se demostra que era un doce común nas casas galegas calquera día do ano[2]. Noutras zonas de España comíanse na Coresma e na Semana Santa, xa que, sendo un alimento de orixe humilde, logo enche ao comensal especialmente na época na que os católicos deixan de comer carne.

Variantes noutras linguas

En España e nos países hispanos coñécense coma torrijas ou torrejas.

En Europa Central coñécense como Arme Ritter (en alemán: cabaleiros pobres) en Alemaña, Pofesen en Austria, Fotzelschnitten en Suíza e bundás kenyér en Hungría.

En Francia chámase "pain perdu" (pan perdido), se ben este non se frixe en aceite abundante senón que se fai á prancha.

No Reino Unido e países de fala inglesa chámanlle "french toast".

En Portugal prepáranse as "rabanadas", de xeito moi semellante ás galegas e castelás[3].

Other Languages
Alemannisch: Arme Ritter
asturianu: Picatostes
Boarisch: Bofesn
български: Пържена филийка
Deutsch: Arme Ritter
Ελληνικά: Αυγόψωμο
English: French toast
Esperanto: Pankuko
español: Torrija
euskara: Torrada
français: Pain perdu
עברית: פרנץ' טוסט
italiano: French toast
Nederlands: Wentelteefje
Pälzisch: Arme Ritter
polski: Torrija
português: Rabanada
Simple English: French toast
српски / srpski: Prženice
українська: Солодкі грінки
West-Vlams: Klakoars
ייִדיש: אייער ברויט
中文: 西多士
粵語: 西多士