Salto de trampolín

Diving.jpg

O salto é unha forma de deporte ou entretemento de alto risco, que consiste en se lanzar á auga dunha piscina, lago, río ou do mar desde algún punto fixo ou vibrátil. O punto fixo pode ser á beira da auga, unha rocha, montículo, pena, acantilado ou incluso unha ponte moi próximos á auga ou sobre ela, no caso de sitios naturais ou non adaptados para o deporte, pode realizarse desde unha plataforma ou á beira da piscina no caso de sitios si adaptados para iso. O punto vibrátil pode ser un trampolín no caso dun sitio adaptado, incluso pódese deixar caer desde unha corda tendida entre as inmediacións da superficie acuática.

O salto para a auga é o nome dado ao conxunto de habilidades que envolve saltar dunha plataforma elevada en dirección á auga, executando movementos estéticos durante a caída. Alén de ser unha tradición en moitas comunidades, tanto humanas como animais, que viven próximas dunha masa de auga, o salto ornamental é un deporte de grande técnica, plasticidade e flexibilidade.

Na natureza, o saltador xeralmente ponse en rochedos localizados á beira de ríos, lagos ou mares, e de alí salta á auga. A entrada na auga debe ser feita en vertical, principalmente se as alturas de salto son altas — unha entrada horizontal pode provocar serias lesións.

Na modalidade deportiva, as condicións limítanse por unha plataforma fixa, que pode ter até 10 metros de altura en relación á piscina, que debe ter un mínimo 4 metros de profundidade; ou por un trampolín a tres metros da auga, unha plataforma flexíbel (no sentido vertical), que esixe maior pericia do saltador e permite a execución de saltos que envolvan unha subida razoábel.

Puntuación

Son avaliadas a creatividade do saltador, a súa destreza, o rigor na execución do salto previsto, a simetría (o saltador non se pode desviar para os lados), a cadencia dos movementos (non pode executar moitos movementos nun espazo curto de tempo, reservando o restante da caída para poucos movementos) e a entrada na auga debe ser perfectamente vertical e debe espallar o mínimo de auga posíbel (efecto coñecido como splash).

Intres efémeros pero de gran beleza que esixen, como a ximnasia, altos graos de precisión, só se conseguen cunha férrea disciplina, moitas horas de adestramento e a afouteza necesaria para se lanzar un ao baleiro de 10 metros. Os xuíces ao calificaren o salto toman en conta seis aspectos:

  1. Aproximación: o corpo estará recto, a cabeza erguida e os brazos estendidos en calquera posición.
  2. O impulso ou engalaxe: o salto será controlado, equilibrado e potente no momento da engalaxe, o salto debe ser alto coa finalidade de rematar o salto o máis arriba posíbel para que luza, no caso de que o salto sexa desde un trampolín se calificará tamén o chamado estribo' (camiñada e impulso sobre o trampolín).
  3. Elevación: consideraráse a altura que o saltador acade.
  4. Execución: trátase de avaliar o salto en si mesmo, analizando a técnica, a posición, os xiros etc.
  5. Entrada na auga: deberá ser vertical co corpo recto, os pés xuntos e os brazos estirados alén da cabeza. Salpicará o menos posíbel ao entrar na agua.
  6. Dificultade:isto ten que ver co número de xiros, posicións e rizos realizados durante o voo e o grupo de saltos ao que pertenzan.

Nos saltos sincronizados terase en conta, á parte do devandito, que ambos os dous saltadores teñan unha elevación, coordinación dos movementos e ángulos de entrada na auga o máis parecida posíbel.

Despois de cada salto o árbitro fai un sinal aos xuíces. Estes, sen se comunicar entre eles, inmediatamente mostran as súas puntuacións. Un salto está acoutado entre cero e dez puntos:

0 – Fracaso
0,5 - 2 - Insatisfactorio
2,5 – 4,5 - Deficiente
5 - 6 - Satisfactorio
6,5 - 8 - Bo
8,5 - 10 – Moi bo

Logo de ter presentado as notas, a máis alta e a máis baixa omítense. O restante é sumado e multiplicado polo grao de dificultade do salto.

Other Languages
Afrikaans: Sierduik
العربية: غطس
azərbaycanca: Suya tullanma
башҡортса: Һыуға һикереү
беларуская: Скачкі ў ваду
беларуская (тарашкевіца)‎: Скачкі ў ваду
български: Скок във вода
বাংলা: ডাইভিং
català: Salts
čeština: Skoky do vody
Cymraeg: Plymio
dansk: Udspring
Ελληνικά: Καταδύσεις
English: Diving
Esperanto: Plonĝado
فارسی: شیرجه
suomi: Uimahypyt
français: Plongeon
hrvatski: Skokovi u vodu
Kreyòl ayisyen: Plonjon
հայերեն: Ջրացատկ
Bahasa Indonesia: Loncat indah
íslenska: Dýfingar
italiano: Tuffi
日本語: 飛込競技
Basa Jawa: Loncat Indah
қазақша: Суға секіру
한국어: 다이빙
latviešu: Daiļlēkšana
македонски: Скокови во вода
Bahasa Melayu: Terjun
Nedersaksies: Schoonspringen
Nederlands: Schoonspringen
norsk nynorsk: Stuping
norsk: Stuping
occitan: Cabús
português: Salto ornamental
русский: Прыжки в воду
संस्कृतम्: जलकूर्दनक्रीडा
Scots: Divin
srpskohrvatski / српскохрватски: Skokovi u vodu
සිංහල: කිමිදුම්
Simple English: Diving
slovenščina: Skoki v vodo
српски / srpski: Скокови у воду
svenska: Simhopp
ślůnski: Yntki do wody
татарча/tatarça: Суга сикерү
українська: Стрибки у воду
Tiếng Việt: Nhảy cầu
中文: 跳水
粵語: 跳水