Punto triplo

En física, o punto triplo é a temperatura e presión na que coexisten en equilibrio termodinámico o estado sólido, gasoso e líquido nunha substancia.Defínese cunha temperatura e unha presión de vapor.

Un típico diagrama de fase. A liña verde marca o punto de conxelación, a azul, o punto de ebulición e a rubia o punto de sublimación. Móstrase como estes varían coa presión. O punto de unión entre as liñas verde, azul e vermella é o punto triplo. A liña con puntos amosa o comportamento anómalo da auga.

O punto triplo da auga, por exemplo, está a 273,16 K (0,01 °C) e a unha presión de 611,73 Pa ITS90. Esta temperatura, debido a que é un valor constante, serve para calibrar as escalas Kelvin e Celsius dos termómetros de gran precisión.

Punto triplo da auga

A única combinación de presión e temperatura á que a auga en estado líquido, sólido e gasoso poden coexistir nun equilibrio estable prodúcese exactamente a unha temperatura de 273,1598 K (0,0098 °C) e a unha presión parcial de vapor de auga de 611,73 pascais (6,1173 milibares; 0,0060373057 atm). Nesas condicións, é posible cambiar o estado de toda a masa de auga a xeo, auga líquida ou vapor arbitrariamente facendo pequenos cambios na presión e na temperatura. Débese ter en conta que incluso se a presión total dun sistema está moi por riba de 611,73 pascais (é dicir, un sistema cunha presión atmosférica normal), se a presión parcial do vapor de auga é de 611,73 pascais, entón o sistema pode encontrarse aínda no punto triplo da auga . Estritamente falando, as superficies que separan as distintas fases tamén debe ser perfectamente planas, para evitar os efectos das tensións de superficie.

A auga ten un infrecuente e complexo diagrama de fase (aínda que isto non afecta as consideracións xerais expostas sobre o punto triplo). A altas temperaturas, incrementando a presión, primeiro obtense auga líquida e, a continuación, auga sólida. Por encima de 109 Pa aproximadamente obtense unha forma cristalina de xeo que é máis denso que a auga líquida. A temperaturas máis baixas en virtude da compresión, o estado líquido deixa de aparecer e a auga pasa directamente de sólido a gas.

A presións constantes por arriba do punto triplo, quentar xeo fai que se pase de sólido a líquido e deste a gas (ou vapor). A presións por abaixo do punto triplo, como as que se encontran no espazo exterior, onde a presión é próxima a cero, a auga líquida non pode existir e, ao quecer, o xeo convértese directamente en vapor de auga sen pasar polo estado líquido, proceso coñecido como sublimación.

A presión do punto triplo da auga foi utilizada durante a misión Mariner 9 a Marte como un punto de referencia para definir "o nivel do mar". Misións máis recentes fan uso de altimetría láser e gravimetría en lugar da presión atmosférica para medir a elevación en Marte.

Other Languages
aragonés: Punto triple
العربية: نقطة ثلاثية
asturianu: Puntu triple
български: Тройна точка
bosanski: Trojna tačka
català: Punt triple
čeština: Trojný bod
Deutsch: Tripelpunkt
English: Triple point
Esperanto: Triobla punkto
español: Punto triple
français: Point triple
hrvatski: Trojna točka
magyar: Hármaspont
հայերեն: Եռակի կետ
interlingua: Puncto triple
Bahasa Indonesia: Titik tripel
íslenska: Þrípunktur
italiano: Punto triplo
日本語: 三重点
қазақша: Үштік нүкте
한국어: 삼중점
македонски: Тројна точка
Plattdüütsch: Tripelpunkt
Nederlands: Tripelpunt
norsk nynorsk: Trippelpunkt
occitan: Ponch triple
Piemontèis: Pont tripl
پنجابی: تگنا پوانٹ
português: Ponto triplo
română: Punct triplu
srpskohrvatski / српскохрватски: Trojna tačka
Simple English: Triple point
slovenčina: Trojný bod
slovenščina: Trojna točka
српски / srpski: Тројна тачка
svenska: Trippelpunkt
Kiswahili: Kiwango utatu
українська: Потрійна точка
Tiếng Việt: Điểm ba trạng thái
中文: 三相点
Bân-lâm-gú: Sam-siòng-tiám
粵語: 三相點