Península Ibérica

Imaxe de satélite da Península Ibérica.

A Península Ibérica é unha península do suroeste de Europa. Está arrodeada polo mar Mediterráneo, o Océano Atlántico e os Pireneos, que separan a península do resto do continente. Politicamente, abrangue os estados de Portugal, España e Andorra, estes dous últimos fronteirizos con Francia. Xibraltar, territorio británico situado ó sur de Andalucía con apenas unha trintena de quilómetros. Polo sur, a península está separada do continente africano (Marrocos) polo Estreito de Xibraltar.

Historia

As primeiras noticias escritas que fan referencia á península proceden da época grega e fenicia, pobos que fundaron as primeiras colonias neste territorio. Posteriormente chegaron os romanos, que conquistaron a práctica totalidade da península, que dende entón se pasou a coñecer co nome de Hispania, xa que ata entón a denominación máis usual era a grega de Iberia.

Trala caída do imperio o territorio foi ocupado por pobos de orixe goda, principalmente suevos (no noroeste), vándalos (no sur) e visigodos (resto da península). Estes últimos acabarían por conquista-la totalidade do territorio.

Tempo despois chegarían os árabes, que unha vez máis se farían co poder en case toda a península, tirantes uns poucos territorios do norte, que ó final acabarían por se impoñer ó dominio musulmán nun proceso continuo de guerras coñecido como Reconquista. Entrementres, o territorio islamizado sería durante sete séculos un importante centro cultural ata a caída do reino taifa de Granada en 1492.

Durante o reinado dos Reis Católicos a península será unificada, salvo o territorio correspondente a Portugal, que unha vez conquistado o Algarve será un dos países que menos cambiou as súas fronteiras ó longo dos séculos. Xa no reinado de Filipe II a península vería a súa derradeira unificación baixo un mesmo gobernante, pero coa reconquista da independencia de Portugal o territorio peninsular quedaría xa dividido ata a actualidade nos dous estados: Portugal e España.

Other Languages
Alemannisch: Iberische Halbinsel
Ænglisc: Iberia
azərbaycanca: Pireney yarımadası
беларуская (тарашкевіца)‎: Пірэнэйскі паўвостраў
brezhoneg: Ledenez iberek
dolnoserbski: Pyrenejska połkupa
Esperanto: Iberio
føroyskt: Iberianes
客家語/Hak-kâ-ngî: Iberia Pan-tó
hornjoserbsce: Pyrenejska połkupa
interlingua: Peninsula Iberic
Bahasa Indonesia: Iberia
Ido: Iberia
íslenska: Íberíuskagi
Latina: Hiberia
Lëtzebuergesch: Iberesch Hallefinsel
latviešu: Pireneju pussala
Malagasy: Tanjona Iberika
Bahasa Melayu: Semenanjung Iberia
مازِرونی: ایبری
norsk nynorsk: Pyrenéhalvøya
پنجابی: ایبیریا
srpskohrvatski / српскохрватски: Pirinejski poluotok
Simple English: Iberian Peninsula
slovenščina: Iberski polotok
Kiswahili: Rasi ya Iberia
татарча/tatarça: Пиреней ярымутравы
oʻzbekcha/ўзбекча: Pireney yarim oroli
vepsän kel’: Pirenejan pol'sar'
Tiếng Việt: Bán đảo Iberia
მარგალური: პირენეშ ჩქონი
Bân-lâm-gú: Iberia Poàn-tó