Ostrogodos

Extensión máxima do Reino Ostrogodo.

Cara ao 370, a partir das invasións dos hunos, os godos dividíronse en dúas pólas separadas. Os ostrogodos constituíron un vasto reino ao leste do río Dnister, nas terras ao redor do mar Negro (o que hoxe é parte da actual Ucraína e Belarús). Os visigodos foron os godos do occidente, cuxo dominio territorial se estendía desde o Dniéster ata o Danubio.

Os ostrogodos estiveron sometidos aos hunos desde o 375 ata a morte de Atila, ocorrida en 453, cando recobraron a súa independencia e se estableceron como un pobo federado de Roma. Posteriormente uníronselles outros godos que fuxiran das súas terras á chegada dos hunos. No 474 foi elixido rei Teodorico, o máis coñecido dos monarcas ostrogodos. Houbo varios períodos de guerras e treguas entre el e o emperador bizantino Zenón. En 488 Teodorico invadiu Italia e en 493 derrotou e deu morte en Adda a Odoacro, rei dos hérulos.

Trala súa morte no 526, a situación volveuse tan violenta que no 535 o emperador bizantino Xustiniano I enviou ao seu xeneral Belisario en contra dos exércitos ostrogodos en Italia. A superioridade do exército bizantino foi a clave para o exterminio e o esmagamento da resistencia ostrogoda.

Este pobo foi finalmente asimilado en forma gradual por outras tribos xermánicas tales como os vándalos e os francos.

Hipóteses etimolóxicas

O significado do nome ostrogodo está suxeito a controversias. Os godos formaron unha tribo unida ata o século III, momento no que se escindiron en dúas pólas: os ostrogodos e os visigodos.

Un historiador de orixe gótica, Xordanes, propuxo unha explicación de tipo xeográfico a esta terminoloxía da división. Este, autor de Historia dos Godos, é hoxe en día unha das poucas fontes dispoñíbeis da prehistoria do seu pobo, na medida que resumiu un texto máis extenso de Casiodoro. O texto de Casiodoro perdeuse.

Segundo Xordanes (XIV,2), a terminoloxía refírese á rexión onde habitaban os godos, xa que os visigodos eran os godos do "país do oeste" e os ostrogodos eran os "godos do leste". Con todo, no caso destes, Xordanes inclúe outra posibilidade, esta vez de tipo etimolóxico. O nome ostrogodos podería provir igualmente do nome do seu primeiro rei: Ostrogotha.

Agora ben, coñécese a existencia anterior doutros nomes para designar unha división xeográfica dos godos: os tervingi, é dicir a "xente do bosque", e os greutingi, a "xente do areal".

E ademais, a explicación xeográfica da orixe dos nomes ostrogodo e visigodo proporcionada por Xordanes foi cuestionada e buscouse unha explicación de tipo etimolóxico que ademais explicase unha diferenza anterior ao século III. Neste caso, ostrogodos significaría "godos brillantes" (da raíz xermánica ostr-) e visigodos, "godos sabios" (da raíz wise-).

O debate non está resolto, a falta de probas concluíntes. A elección dos historiadores entre unha ou outra hipótese depende da confianza que outorgan ao testemuño de Xordanes.

Other Languages
aragonés: Ostrogodos
العربية: قوط شرقيون
asturianu: Ostrogodos
azərbaycanca: Ostroqotlar
беларуская: Остготы
български: Остготи
brezhoneg: Ostrogoted
català: Ostrogots
čeština: Ostrogóti
Чӑвашла: Остготсем
Cymraeg: Ostrogothiaid
Deutsch: Ostgoten
Ελληνικά: Οστρογότθοι
English: Ostrogoths
Esperanto: Ostrogotoj
eesti: Idagoodid
euskara: Ostrogodo
français: Ostrogoths
hrvatski: Istočni Goti
հայերեն: Օստգոթեր
Bahasa Indonesia: Ostrogoth
italiano: Ostrogoti
日本語: 東ゴート族
ქართული: ოსტგუთები
한국어: 동고트인
Latina: Ostrogothi
Lingua Franca Nova: Ostrogoto
lumbaart: Ostrogoti
lietuvių: Ostgotai
latviešu: Ostgoti
македонски: Остроготи
Bahasa Melayu: Ostrogoth
Mirandés: Ostrogodos
Plattdüütsch: Ostgoten
Nederlands: Ostrogoten
norsk nynorsk: Austgotarar
norsk: Østgotere
occitan: Ostrogòt
polski: Ostrogoci
português: Ostrogodos
română: Ostrogoți
русский: Остготы
sicilianu: Ostrogoti
Scots: Ostrogoths
srpskohrvatski / српскохрватски: Ostrogoti
Simple English: Ostrogoths
slovenčina: Ostrogóti
српски / srpski: Остроготи
svenska: Ostrogoter
Türkçe: Ostrogotlar
татарча/tatarça: Остготлар
українська: Остготи
oʻzbekcha/ўзбекча: Ostgotlar
Tiếng Việt: Người Ostrogoth
吴语: 东哥特人
中文: 東哥德人
粵語: 東哥德人