Naruhito

Naruhito do Xapón

Naruhito (en xaponés 皇太子徳仁親王, pronunciado: /na'ɺ̠ɯçito/), nado en Toquio o 23 de febreiro de 1960, cuxo nome completo é Hiro-non-miya Naruhito Shinno, é o fillo maior do emperador Akihito e da emperatriz Michiko. Naruhito é o primeiro na sucesión para converterse no 126 emperador do Imperio do Crisantemo xunto con Masako Owada, filla do ex vice-ministro de Asuntos Exteriores do seu país e neta do empresario Yutaka Egashira.

Traxectoria

Naruhito naceu no Palacio de Tsugo. Segundo o horóscopo chinés é A rata. Desde o seu nacemento ensinóuselle cal ía ser o seu papel nun futuro. foi o único herdeiro ao trono nipón que recibiu unha educación tan esmerada e tan global. Foi educado no Palacio Tsugo baixo estritos preceptores. Coa súa maioría de idade, os emperadores enviárono a estudar a Gran Bretaña na Universidade de Oxford onde defendeu a súa tese sobre o Transporte marítimo no río Támese no século XVIII. Ao volver ao Xapón matriculouse na Universidade de Gakushuin, obtendo a titulación de Historia e especializándose en Historia Medieval do Xapón. Ademais tamén coñece á perfección, separadamente do xaponés, o inglés, o chinés, o alemán e algo de español.

Naruhito, desde ceda idade, representou ao seu pai en numerosas ocasións. Na época de estudante, viaxou polo mundo enteiro e sempre quixo coñecer costumes e modos de vida que se afastaban das pautas seguidas no Xapón milenario. Con todo, á hora de vivir na súa terra e cos seus, asumiu á perfección os diversos ritos entre os que viven os seus concidadáns.

Matrimonio e descendencia

Cando chegou o momento de elixir esposa, Naruhito elixiu a dedo a Masako Owada, con quen se casaría o 9 de xuño de 1993 mediante o rito xintoísta; as celebracións polo enlace duraron tres días. Aínda que elixiu á súa esposa entre unha serie de mulleres nunha lista, el declarou que está completamente namorado dela. O 31 de decembro de 1999, a princesa Masako Owada sufriu un aborto.

O feito de que sexa unha nena, levantou un forte debate nacional sobre o cambio da Lei de Sucesión ao Trono, xa que no Xapón as mulleres non poden reinar. Este feito, polo que parece, sumiu a Masako Owada nunha profunda depresión, engadindo tamén o estrito protocolo da Casa Imperial.

Other Languages
العربية: ناروهيتو
asturianu: Naruhito
تۆرکجه: ناروهیتو
bosanski: Naruhito
čeština: Naruhito
Deutsch: Naruhito
Ελληνικά: Ναρουχίτο
Esperanto: Naruhito
español: Naruhito
eesti: Naruhito
فارسی: ناروهیتو
suomi: Naruhito
français: Naruhito
hrvatski: Princ Naruhito
Bahasa Indonesia: Putra Mahkota Naruhito
italiano: Naruhito
ქართული: ნარუჰიტო
Latina: Naruhito
lietuvių: Naruhito
latviešu: Naruhito
Nederlands: Naruhito
norsk: Naruhito
polski: Naruhito
русский: Нарухито
srpskohrvatski / српскохрватски: Krunski princ Naruhito
svenska: Naruhito
Türkçe: Naruhito
татарча/tatarça: Нарухито
українська: Нарухіто
中文: 德仁親王
Bân-lâm-gú: Naruhito chhin-ông
粵語: 德仁