Municipio

O concello ou municipio é, nas súas diversas formas, e baixo diferentes designacións, a estrutura básica de administración local en moitos países do mundo. Con orixes diferentes, consonte ás tradicións locais, os concellos modernos teñen, porén, bastantes puntos de contacto na súa estrutura e competencias.

En xeral, poden distinguirse tres tipos de concellos:

  • Urbanos: concellos constituídos exclusivamente, ou case, por territorio urbanizado;
  • Rurais: municipios constituídos por un ou máis núcleos poboacionais de pequenas dimensións e por territorio non urbanizado relativamente vasto;
  • Mixtos: concellos que comprenden cantidades significativas quer de territorio urbano, quer de territorio rural.

Nalgúns países e nalgunhas subdivisións doutros países (como algúns estados norte-americanos), estes diferentes tipos están separados por lei, constituíndo diferentes unidades administrativas. Noutros, como en Portugal e España, todos os concellos son iguais ante a lei, aínda que por mor da súa poboación ou características estean suxeitos a un distinto trato financeiro, electoral etc. (achegas doutras administracións, número de concelleiros elixibles, estatutos de capitalidade, áreas metropolitanas etc).

Os concellos en España

O goberno e a administración do municipio correspóndenlle ao Concello, integrado polo alcalde e polos concelleiros. Estes últimos son elixidos mediante sufraxio universal, igual, libre, directo e secreto, por períodos de 4 anos. O alcalde é elixido polos concelleiros en sesión plenaria, ou directamente polos veciños en certos casos contemplados na lei.

Os órganos que integran a organización municipal son os seguintes:

  • Pleno: formado polo conxunto de concelleiros electos, presididos polo alcalde e asistidos polo secretario.
  • Alcalde: desempeña as funcións de dirección do goberno e da administración municipal, así como as demais atribucións que lle outorga a vixente lexislación e, entre elas, a organización das áreas que integran o goberno municipal e dos departamentos, servizos e outros entes que constitúen a administración municipal. Tamén é atribución do alcalde a representación do Concello, sen prexuízo da súa posible delegación. Nos casos de vacante, ausencia ou enfermidade, será substituído polos tenentes de alcalde na orde e coas competencias que se deriven do seu nomeamento.
  • Tenente de alcalde: substitúe o alcalde en caso de ausencia ou enfermidade, función que realiza de forma independente á competencia que lle corresponda na área como edil.
  • Xunta de goberno: é o órgano que ten como atribución propia e indelegable a asistencia permanente ao alcalde no exercicio das súas funcións. Así mesmo, exercerá as competencias que lle deleguen o alcalde e o pleno municipal, cando teñan este carácter. Está integrada polo alcalde, que a preside, e polos concelleiros nomeados libremente por el como membros dela, que son asistidos nas súas reunións polo secretario xeral da corporación.
  • Comisións informativas: estudan aqueles asuntos que son relevantes para o municipio e pásanlle, posteriormente, un informe ao pleno municipal, para a súa aprobación.

A nivel particular, cada un dos concelleiros que integran a xunta de goberno mantén unha serie de competencias municipais propias con respecto á área da súa responsabilidade.

Other Languages
Afrikaans: Munisipaliteit
Alemannisch: Gemeinde
aragonés: Municipio
العربية: بلدية
asturianu: Municipiu
azərbaycanca: Bələdiyyə
башҡортса: Муниципалитет
Boarisch: Gmoa
беларуская: Муніцыпалітэт
भोजपुरी: नगरपालिका
বাংলা: পৌরসভা
català: Municipi
čeština: Obec
dansk: Kommune
Deutsch: Gemeinde
dolnoserbski: Gmejna
Ελληνικά: Δήμος
English: Municipality
Esperanto: Municipo
español: Municipio
euskara: Udalerri
estremeñu: Monicípiu
فارسی: شهرداری
suomi: Kunta
français: Municipalité
客家語/Hak-kâ-ngî: Kî-chhèn chṳn-khièn
Hawaiʻi: Aupuni kiwikā
עברית: עירייה
हिन्दी: नगरपालिका
hornjoserbsce: Gmejna
magyar: Község
Bahasa Indonesia: Munisipalitas
íslenska: Sveitarfélag
italiano: Comune
日本語: 基礎自治体
Basa Jawa: Geminte
한국어: 지방 자치체
Кыргызча: Муниципалитет
Latina: Municipium
Ladino: Belediye
Lëtzebuergesch: Gemeng
Limburgs: Gemeint
lietuvių: Savivaldybė
latviešu: Pašvaldība
मैथिली: नगरपालिका
Bahasa Melayu: Kawasan perbandaran
Plattdüütsch: Gemeen
Nedersaksies: Gemiente (bestuur)
नेपाली: नगरपालिका
Nederlands: Gemeente (bestuur)
norsk nynorsk: Kommune
norsk: Kommune
occitan: Municipi
Papiamentu: Munisipio
polski: Gmina
português: Município
română: Municipiu
سنڌي: بلديت
Simple English: Municipality
slovenščina: Občina
Soomaaliga: Dowlad Hoose
српски / srpski: Муниципалитет
Seeltersk: Meente
Basa Sunda: Munisipalitas
svenska: Kommun
Kiswahili: Manispaa
தமிழ்: நகராட்சி
tetun: Konsellu
Tagalog: Munisipalidad
Türkçe: Belediye
татарча/tatarça: Муниципалитет
українська: Муніципалітет
اردو: بلدیہ
oʻzbekcha/ўзбекча: Munitsipalitet
Tiếng Việt: Khu tự quản
West-Vlams: Gemêente
Zeêuws: Gemeênte
中文: 基层政权
Bân-lâm-gú: Ki-chân chèng-koân
粵語: 市政府