Montgat

Montgat
Bandera de Montgat.svg
Escut de Montgat.svg
Localización
Localització de Montgat respecte del Maresme.svg
País España España
Comunidade autónoma Cataluña Cataluña
Provincia Barcelona
Comarca Maresme
Xeografía
Altitude 20 msnm
Superficie 2,95 km²
Demografía
Poboación 10.584 hab. ( 2010)
Densidade 3.587,8 hab/km²
Xentilicio Montgatí, montgatina
Outros datos
Código postal 08390
Alcalde Francesc García (CIU)
www.montgat.cat

Montgat é un municipio catalán da comarca do Maresme, na provincia de Barcelona. O seu nome provén do latín monte katum (monte dos gatos), que era o nome co que se coñecía o pobo popularmente durante o imperio romano.

É o municipio máis meridional da comarca do Maresme, situada na costa no límite coa comarca do Barcelonès, entre Badalona e el Masnou.

Historia

Nas súas orixes Montgat foi un pequeno poboado ibérico. As escavacións que se levaron a cabo demostran a existencia duns asentamentos neolíticos no termo, aproximadamente do 3.500 antes de Cristo.

Da época romana atópase documentado o Turó de Montgat co nome de Promontorium Lunarium. O actual termo municipal estaba atravesado, pola Vía Augusta.

Na Idade Media había un castelo que vixiaba todo o norte da costa, pero Filipe V de España, logo da Guerra de Sucesión fíxoo derrubar. Sobre as ruínas os fundadores da Asociación Catalanista de Excursións Científicas realizaban, no século XIX, frecuentes encontros.

Torre de defensa de Ca l'Alsina.

Montgat tivo o primeiro túnel ferroviario de Cataluña e España cando, en 1848 púxose en funcionamento a liña do tren Barcelona- Mataró. En 1867 estableceuse unha parroquia.

Ata o ano 1933 Montgat formou parte do termo de Tiana. Separouse, tras o Decreto da Generalitat de Cataluña o 6 de xullo dese mesmo ano, en que se aprobou a separación do distrito e a constitución dun concello independente.

A partir dos anos 60 a poboación creceu considerablemente a raíz do expansionismo económico español e os movementos migratorios asociados, o que comportou as urbanizacións de bloques de pisos, algúns bastante altos (Turó del Mar), así como barrios cun urbanismo desordenado (Les Costes). Tamén atopamos zonas residenciais como o Pla de Montgat e Residencial Camí d'Alella.

Hoxe a agricultura e a pesca, que no pasado foron actividades principais, desapareceron case por completo. Hai algunhas industrias de materiais de construción (cemento), de porcelana, de produtos químicos e farmacéuticos, e metalurxia. O seu barrio Els Mallorquins, antigamente industrial e hoxe día maioritariamente residencial, forma un continuo urbano con Badalona.

A proximidade de Barcelona, como gran cidade cunha extensa área de influencia, xunto coa dispersión do tecido urbano de pobo debida á presenza de numerosas infraestruturas viarias e ferroviaria que dividen o termo municipal, representa unha ameaza para a identidade de Montgat como municipio independente, ameaza que os sucesivos concellos democráticos, xunto coas entidades veciñais e culturais do municipio, tratan de paliar.

Other Languages
aragonés: Montgat
català: Montgat
dansk: Montgat
Deutsch: Montgat
English: Montgat
español: Montgat
euskara: Montgat
فارسی: منتگات
français: Montgat
magyar: Montgat
Հայերեն: Մոնտգատ
italiano: Montgat
қазақша: Монгат
Latina: Montgat
Bahasa Melayu: Montgat
Nederlands: Montgat
occitan: Montgat
polski: Montgat
português: Montgat
română: Montgat
русский: Монгат
Scots: Montgat
oʻzbekcha/ўзбекча: Montgat
Winaray: Montgat
中文: 蒙特加特