John W. Campbell

John W. Campbell
John W Campbell 193102.jpg
AlcumeDon A. Stuart
Nacemento8 de xuño de 1910
 Newark
Falecemento11 de xullo de 1971
 Mountainside
NacionalidadeEstados Unidos de América
Relixiónateísmo
Educado enUniversidade Duke
Ocupacióneditor literario, novelista, escritor, guionista e escritor de ciencia ficción
PremiosRetro Hugo Award e Science Fiction and Fantasy Hall of Fame
Firma Campbell.png
editar datos en Wikidata ]

John Wood Campbell, Jr., nado o 8 de xuño de 1910 en Newark, Nova Jersey e finado o 11 de xullo de 1971 en Mountainside, Nova Jersey, foi un editor e escritor de ficción científica.

Traxectoria

Como escritor, publicou varios relatos nas revistas de ficción científica nos anos 30, co seu nome ou con varios seudónimos, entre os que destaca o de Don A. Stuart. O seu relato máis importante Who Goes There? trata sobre unha expedición á Antártida que atopa unha cápsula estrelada fai miles de anos co cadáver dun alieníxena dentro. Este relato foi levado ao cine posteriormente como A Cousa (1982).

Pero a principal achega de Campbell ao xénero non ía estar na escritura, senón na edición. En 1938 Orlan B. Tremaine elixe a Campbell para substituílo como editor da revista Astounding Science Fiction.

Desde o seu posto de editor, Campbell auspiciaría unha auténtica revolución na ficción científica da época: novos temas, novos autores, e sobre todo un tratamento moito máis rigoroso da ciencia, así como unha maior calidade literaria na historia. En xeral, Campbell propiciou un tratamento moito máis adulto das historias de ficción científica, afastándoas do ata entón estendido clixé de aventuras para adolescentes.

O público das revistas de ficción científica respondeu favorablemente a esta nova liña e froito diso é o absoluto predominio de Astounding durante esa época denominada a Idade de Ouro da ficción científica.

Other Languages
asturianu: John W. Campbell
français: John W. Campbell
עברית: ג'ון קמפבל
Bahasa Indonesia: John W. Campbell
Nederlands: John W. Campbell
português: John W. Campbell
srpskohrvatski / српскохрватски: John W. Campbell
slovenčina: John W. Campbell
українська: Джон Вуд Кемпбелл