Hesíodo
English: Hesiod

Hesíodo
Pseudo-Seneca BM GR1962.8-24.1.jpg
Nacementoséculo VIII a. C.xuliano
 Cime
Falecementoséculo VII a. C.xuliano
EtniaGregos
Ocupaciónpoeta, escritor, rapsodo e mitógrafo
IrmánsPerses
Coñecido/a porTeogonía, Traballos e días, Catálogo de Mulheres e O escudo de Heracles
editar datos en Wikidata ]
Hesíodo e a Musa, por Gustave Moreau (Museo de Orsay, París).

Hesíodo (en grego antigo Ἡσίοδος Hêsíodos, en latín Hesiodus) foi un poeta da Antiga Grecia. A súa datación en torno ao ano -700 é discutida.

Biografía

Naceu en Ascra, preto de Tebas sobre a segunda metade do século -VIII ou a primeira do século -VII Foi labrego e fillo dun comerciante. A tradición sitúao como contemporáneo de Homero e mesmo rival seu en certames poéticos.

Adoita considerarse o máis antigo dos poetas helenos despois de Homero e, durante boa parte do século XIX, a crítica chegou a dubidar da súa auténtica existencia, aínda que esta parece fóra de toda dúbida na actualidade. A familia de Hesíodo estableceu a súa residencia en Beocia, procedente de Cime de Eolia, lugar de orixe do seu pai. Pouco se sabe da súa vida; parece que foi fundamental nela a inimizade co seu irmán Perses por mor da herdanza paterna, e este tema abordou na súa obra Traballos e días. Morto o seu pai, Hesíodo estableceuse en Naupacto, onde pasou a súa mocidade ao coidado dun rabaño de ovellas e levando a vida plácida e sinxela dos campesiños gregos.

Os actuais especialistas sitúan como contemporáneo de Homero a Hesíodo, mais a súa poesía, moi afastada do estilo épico e grandioso da daquel, está destinada a instruír máis que a exaltar. Sábese tamén que en Calcis (Eubea) participou nun concurso de aedos e obtivo a vitoria. Parece que morreu en Ascra e as súas cinzas conserváronse en Orcómeno, onde lle renderon honores como a un fundador da cidade.

Moitas das obras que durante a Antigüidade se lle atribuían, como os poemas sobre arte adiviñatoria A ornitomancia, Os versos mánticos e As explicacións dos prodixios, non son realmente súas. O que parece probado con certeza é que foi o autor dos Traballos e días, da Teogonía, que explica a orixe do universo e a xenealoxía dos deuses, e dos cincuenta e catro primeiros versos do O escudo de Heracles. Xunto coas de Homero, as obras de Hesíodo converteríanse en parte do corpus fundacional da cultura grega, grazas ao seu labor de sistematización do conxunto de mitos herdados e ao inicio da súa interpretación nun sentido moral e práctico. A cultura grega caracterizaríase en todo momento pola complexa relación que mantería co conxunto de concepcións mitolóxicas e relixiosas das súas propias tradicións, tanto para rexeitalas como para reverencialas, aínda que sempre extraería de alí súas máis fecundas intuicións.

Other Languages
Afrikaans: Hesiodos
Alemannisch: Hesiod
aragonés: Hesíodo
العربية: هسيودوس
asturianu: Hesíodo
azərbaycanca: Hesiod
Boarisch: Hesiod
беларуская: Гесіёд
български: Хезиод
brezhoneg: Hesiodos
català: Hesíode
corsu: Esiodu
čeština: Hésiodos
dansk: Hesiod
Deutsch: Hesiod
Ελληνικά: Ησίοδος
English: Hesiod
Esperanto: Heziodo
español: Hesíodo
eesti: Hesiodos
euskara: Hesiodo
estremeñu: Esiodu
فارسی: هزیود
suomi: Hesiodos
français: Hésiode
Frysk: Hesiodos
Hawaiʻi: Hesioda
עברית: הסיודוס
हिन्दी: हेसिओद
hrvatski: Heziod
magyar: Hésziodosz
հայերեն: Հեսիոդոս
interlingua: Hesiodo
Bahasa Indonesia: Hesiodos
íslenska: Hesíódos
italiano: Esiodo
ქართული: ჰესიოდე
қазақша: Гесиод
한국어: 헤시오도스
Latina: Hesiodus
Lëtzebuergesch: Hesiod
lietuvių: Hesiodas
latviešu: Hēsiods
македонски: Хесиод
Bahasa Melayu: Hesiodos
Plattdüütsch: Hesiod
Nederlands: Hesiodos
norsk nynorsk: Hesiod
norsk: Hesiod
occitan: Esiòde
polski: Hezjod
português: Hesíodo
română: Hesiod
русский: Гесиод
sicilianu: Esìudu
Scots: Hesiod
srpskohrvatski / српскохрватски: Hesiod
Simple English: Hesiod
slovenčina: Hésiodos
slovenščina: Heziod
shqip: Hesiodi
српски / srpski: Хесиод
svenska: Hesiodos
Kiswahili: Hesiodo
தமிழ்: எசியோடு
Türkçe: Hesiodos
українська: Гесіод
Tiếng Việt: Hēsíodos
Winaray: Hesiodos
吴语: 赫西俄德
中文: 赫西俄德
粵語: 赫西俄德