Diprotodontes

Diprotodontes
Rango fósil: oligoceno - actualidade
Ualabí áxil (Macropus agilis)
Ualabí áxil (Macropus agilis)
Clasificación científica
Reino:Animalia
Filo:Chordata
Subfilo:Vertebrata
Clase:Mammalia
Subclase:Theria
Infraclase:Marsupialia
Magnorde:Australidelphia
Superorde:Eometatheria
Orde:Diprotodontia
Owen, 1866
Subordes
Sinonimia
  • Phalangeriformes[1]

A dos diprotodontes (Diprotodontia) é unha orde de mamíferos marsupiais australidelfos[1] que, sen ser un dos máis ricos en canto a número de especies, si que é un dos máis rechamantes pola diversidade das que o integran. Desde os impoñentes canguros (Macropus sp.) aos diminutos falanxeros pigmeos (Cercartetus sp.) pasando polo coala (Phascolarctos cinereus), os falanxeros (Phalanger sp.) ou os petauros (Petaurus sp.), xa que a súa historia estivo marcada por unha extraordinaria capacidade de adaptación, dando como resultado unha diversidade morfolóxica como poucos outros grupos taxonómicos mostran.

A orde está composta por marsupiais con só dous dentes incisivos no maxilar inferior (ao que alude o seu nome).

Hoxe viven en Australasia, como mínimo, 53 especies de diprotodontes, desde as que non superan o talle dunha rata a grandes animais do tamaño de un home. Unhas, poboan o árido deserto central de Australia, e outras as selvas tropicais húmidas, pero todos son fitófagos, a excepción da rata almiscreira marsupial (Hypsiprymnodon moschatus), que tamén se alimenta de insectos.[2]

Recluídos na afastada Australia e illas próximas, tardaron longo tempo en ser coñecidos polos europeos. En 1629 o capitán neerlandés Francisco Pelsaert encallou co seu barco, o Batavia, nunha illa do litoral occidental de Australia. A el débese a primeira descrición dos canguros, dos que dixo: "atopamos nestas illas un gran número dunha especie de gatos que son moi estrañas criaturas; teñen aproximadamente o tamaño dunha lebre e a súa cabeza parece a dunha civeta; as súas patas anteriores son moi curtas..." Tratábase dun pequeno canguro chamado tammar (Wallabia eugenii), pero o relato do seu descubridor pasou practicamente inadvertido. Durante todo o século XVII, diversos exploradores fixeron mención de estraños gatos, cans, lebres ou cordeiros entrevistos nas terras do sur, pero houbo que esperar a outro accidente de navegación, máis de 150 anos despois do de Pelsaert, para que os canguros foran realmente descubertos polos naturalistas europeos. O Endeavour, baixo o mando do capitán Cook, arribou aos arrecifes de coral no nordeste de Australia en 1770, e a súa tripulación debeu de permanecer cerca de tres meses en terra. Cook escribiu entón acerca duns animais "que se moven correndo e saltando sobre as súas patas posteriores" e que "non se parecen en nada a ningún dos animais europeos que eu vin". Foi Cook que os denominou kangaroo, segundo a pouco clara denominación que lles daban os indíxenas, e o seu relato causou sensación.[3]

Características físicas

Existen dúas características comúns que definen as especies da orde, aínda que unha delas é compartida ademais con Peramelemorphia. Trátase da sindactilia, fenómeno consistente na fusión de dedos, e que no caso dos diprotodontes afecta ao 2º e 3º das extremidades posteriores, dándolles a estas un estraño aspecto como dun dedo deforme con dúas uñas.

A segunda é a que dá nome ao clado. Diprotodontia vén a significar con "dous dentes primeiros", e precisamente estes marsupiais posúen só dous incisivos no maxilar inferior.

Other Languages
asturianu: Diprotodontia
azərbaycanca: İkikəsicidişlilər
български: Двурезцови
brezhoneg: Diprotodontia
català: Diprotodonts
Cebuano: Diprotodontia
čeština: Dvojitozubci
Deutsch: Diprotodontia
Ελληνικά: Διπρωτόδοντα
English: Diprotodontia
español: Diprotodontia
euskara: Diprotodontia
français: Diprotodontia
עברית: קנגוראים
Bahasa Indonesia: Diprotodontia
italiano: Diprotodontia
日本語: 双前歯目
Basa Jawa: Diprotodontia
한국어: 캥거루목
Перем Коми: Кыкодзпинняэз
Lëtzebuergesch: Diprotodontia
Limburgs: Snijtandege
latviešu: Diprotodonti
Nederlands: Klimbuideldieren
occitan: Diprotodontia
português: Diprotodontia
română: Diprotodontia
Simple English: Diprotodont
slovenčina: Kengury
slovenščina: Diprotodonti
українська: Кускусоподібні
Tiếng Việt: Bộ Hai răng cửa
Winaray: Diprotodontia
中文: 雙門齒目