Dick Fosbury

Dick Fosbury
Dick Fosbury 1968.jpg
Nome completoRichard Douglas Fosbury
Nacemento6 de marzo de 1947
 Portland, Oregón
NacionalidadeEstados Unidos de América
Educado enNorth Medford High School
Ocupaciónatleta e político
Coñecido/a porFosbury Flop
editar datos en Wikidata ]
Cadro de medallas
Atletismo
Xogos Olímpicos
OuroMéxico 1968Salto de altura

Richard Douglas Fosbury, coñecido como Dick Fosbury, nado o 6 de marzo de 1947 en Portland (Oregon), foi un atleta estadounidense especialista en salto de altura, que foi campión nos Xogos Olímpicos de México 1968 e fíxose famoso por utilizar unha nova técnica para pasar encima do listón, que posteriormente aplicaron case todos os saltadores e que se coñece como Fosbury Flop.

  • traxectoria

Traxectoria

Fosbury empezou a experimentar coa nova técnica, logo chamada Fosbury Flop, cando tiña 16 anos, pois atopaba demasiado difíciles os estilos que entón se utilizaban para executar o salto, tales como o rodete ventral, o estilo tesoira ou o western roll.

A nova técnica consistía en correr cara ao listón en dirección transversal e seguindo unha traxectoria curva, para unha vez ante o listón saltar de costas ao mesmo e co brazo máis próximo estendido. Esta forma resulta máis efectiva desde un punto de vista biomecánico, xa que permite deixar menos espazo entre o centro de gravidade do saltador e o listón a superar, co que se gaña altura.

Sendo un estudante na Universidade de Oregon, Fosbury gañou en 1968 o título universitario de Estados Unidos usando a súa nova técnica, e volveu facer o mesmo nos trials de clasificación para ir aos Xogos Olímpicos de México 1968.

Unha vez na cita olímpica, moita xente que non o viu antes sorprendeuse ao ver a técnica que Fosbury utilizaba, e sorprendeuse moito máis cando gañou a medalla de ouro olímpica, establecendo unha marca olímpica con 2.24 m. e a mellor marca mundial do ano.

Por esta época a marca mundial estaba en poder do soviético Valery Brumel con 2.28 m. desde 1963, usando a vella técnica. Aínda que Dick Fosbury nunca puido saltar esa altura, e aínda que había moitos escépticos que puñan en dúbida a efectividade do novo método, este gañou gañou rapidamente popularidade, e nos anos seguintes cada vez máis saltadores, homes e mulleres aplicárono.

Hoxe en día todos os saltadores de altura de elite empregan o Fosbury Flop, e a súa maior eficacia esta totalmente demostrada.

Dick Fosbury retirouse tras non lograr a clasificación para ir aos Xogos Olímpicos de Múnic 1972 a pesar de ser moi novo aínda. Probablemente non era o saltador máis dotado da súa época, pero grazas á súa grande innovación conseguiu ser campión olímpico e cambiou para sempre a forma de entender o salto de altura.

Actualmente (2010) Dick Fosbury vive en Ketchum, Idaho, onde é enxeñeiro civil.

Ligazóns externas

Other Languages
aragonés: Dick Fosbury
asturianu: Dick Fosbury
català: Dick Fosbury
čeština: Dick Fosbury
Deutsch: Dick Fosbury
English: Dick Fosbury
español: Dick Fosbury
euskara: Dick Fosbury
français: Dick Fosbury
italiano: Dick Fosbury
한국어: 딕 포스버리
latviešu: Diks Fosberijs
Malagasy: Dick Fosbury
Nederlands: Dick Fosbury
norsk nynorsk: Dick Fosbury
polski: Dick Fosbury
português: Dick Fosbury
русский: Фосбери, Дик
slovenščina: Dick Fosbury
українська: Дік Фосбері