Corpus Iuris Civilis

CORPUS IURIS CIVILIS ROMANI. Gothofredus, 1583

O Corpus Iuris Civilis (Corpo de dereito civil) é unha obra xurídica fundamental, publicada entre 529 e 534 por orde do emperador bizantino Xustiniano I.

Código de Xustiniano

En 527 d.C., sobe ao trono en Constantinopla, Xustiniano, que inicia unha ampla obra militar e lexislativa. Pouco despois de asumir o poder, Xustiniano percibiu a importancia de salvagardar a herdanza representada polo dereito romano e, en 528, nomeou unha comisión de dez membros (presidida por Triboniano, ministro do emperador e xurisconsulto de gran mérito) para compilar as constitucións imperiais vixentes (leis emanadas dos emperadores desde o goberno do emperador Adriano). Triboniano, principal colaborador, era profesor de dereito da escola de Constantinopla. El rodeouse de xuristas, profesores e avogados, cos cales iniciou un enorme traballo de compilación. Auxiliouno eficazmente nesa misión Teófilo, outro profesor da mesma escola.

A misión dos compiladores completouse en dous anos. O Código era destinado a substituír o Gregoriano, o Hermoxeniano, as constitucións particulares e o Código Teodosiano de 438. O 7 de abril de 529, coa constitución Summa rei publicae, o emperador publica o código, intitulado Nouus Iustinianus Codex (Código Novo de Xustiniano), e estabelece que entraría en vigor o 16 de abril daquel ano. Esa primeira obra non chegou ata nós pois foi substituída por outra, xa en 534. Así, ficou coñecido por Código Vello, en contraposición ao de 534, chamado, este si, Código Novo.

Other Languages
български: Corpus Iuris Civilis
Bahasa Indonesia: Corpus Juris Civilis
ქართული: Corpus Iuris Civilis
한국어: 로마법 대전
Plattdüütsch: Corpus Iuris Civilis
русский: Corpus iuris civilis
srpskohrvatski / српскохрватски: Corpus iuris civilis
slovenščina: Corpus juris civilis
українська: Corpus iuris civilis
Tiếng Việt: Pháp điển Dân sự
中文: 民法大全
文言: 民律大全