Cilio

Imaxe de microscopía electrónica de varrido dunha mostra de epitelio cúbico monoestratificado dos bronquíolos, na que se observan algunhas células ciliadas.

Un cilio (do latín cilĭum, cella, ou talvez do grego κυλίς, kilis, pálpebra ou pestana) é un orgánulo presente nas células eucariotas, que ten o aspecto dun apéndice que se proxecta desde o corpo celular con forma de pelo. Os cilios conteñen unha estrutura central altamente ordenada, constituída xeralmente por máis de 600 tipos de proteínas, inmersa no líquido do citosol e envolta pola membrana plasmática. A maioría destas proteínas forman parte de microtúbulos, que constitúen a parte central do cilio, denominada axonema.[1][2]

Algúns elementos celulares como os estereocilios poden confundirse cos cilios ao microscopio óptico, pero en realidade están estruturalmente relacionados cos microvilli.[3]

Similitude cos flaxelos

Os cilios son moi similares aos flaxelos estruturalmente e utilízase o termo undulipodio para referirse conxuntamente a ambos.[4] A distinción entre eles baséase principalmente no maior tamaño dos flaxelos, e no seu número (xeralmente son moitos máis os cilios,[5] mentres que os flaxelos son un ou dous) e polo seu patrón de movemento (os cilios baten como un remo, son inmóbiles ou crean un vórtice, en tanto que os flaxelos ondulan). Tamén existen diferenzas funcionais entre eles: os flaxelos poden propulsar células móbiles nun líquido, mentres que os cilios se sitúan normalmente en células estacionarias, e grazas ao seu pulo moven líquidos ou elementos contidos nel. Fano sincronizando o seu batido, e xerando dese modo unha onda propulsora eficaz ao sumárense as forzas individuais de cada cilio. Ademais, os flaxelos poden contar, debido á súa forma de batido e á súa maior lonxitude, con estruturas específicas para regular os movementos do axonema e a correcta difusión do ATP, como o bastón flaxelar e en insectos un segundo anel de 9 dobretes de microtúbulos.[6][7]

Other Languages
العربية: هدب
български: Реснички
bosanski: Treplja
català: Cili
čeština: Řasinka
dansk: Fimrehår
Deutsch: Zilie
English: Cilium
Esperanto: Cilio
español: Cilio
euskara: Zilio
فارسی: مژک
suomi: Värekarva
français: Cil cellulaire
Kreyòl ayisyen: Sil
Bahasa Indonesia: Silia
íslenska: Bifhár
日本語: 繊毛
Basa Jawa: Silia
қазақша: Кірпікшелер
lietuvių: Blakstienėlė
latviešu: Skropstiņas
Nederlands: Trilhaar
norsk nynorsk: Flimmerhår
polski: Rzęska
português: Cílio
română: Cil
русский: Реснички
srpskohrvatski / српскохрватски: Treplje
Simple English: Cilia
slovenčina: Cílium (bunka)
slovenščina: Migetalka
српски / srpski: Трепље
svenska: Cilier
తెలుగు: శైలిక
Türkçe: Sil
українська: Війка
中文: 纖毛