Bula

Bula do papa Urbano VIII co selo (bula) de chumbo.

Unha bula é un documento selado con chumbo sobre asuntos políticos ou relixiosos. No segundo caso, se está autentificada co selo papal, recibe o nome de bula papal ou bula pontificia. O nome bula procede do latín bulla, termo que fai referencia a calquera obxecto redondo artificial, e nun principio utilizábase para referirse á medalla que portaban ó pescozo, na Roma Antiga, os fillos das familias nobres até o momento en que vestían a toga.

Xeralmente chámase bulas ós documentos pontificios que son expedidos pola Chancelería Apostólica papal sobre determinados asuntos de importancia dentro da administración clerical e mesmo civil, constituíndose nun dos instrumentos máis estendidos nos que se fundamenta e expande a autoridade do pontífice.

Desde un punto de vista formal, a bula é solemne e moi característica. Levaba un selo de chumbo cunha cruz no centro e unha representación de San Pedro e San Pablo, mentres que no reverso incluíase o nome do Papa do momento da súa publicación e o ano do pontificado. Normalmente envíase ó arcebispo da diocese, quen á súa vez a fará chegar á parroquia. Está escrita en latín e se aparece en castelán é pola tradución feita desde o arcebispado; nese caso considérase unha copia.

En canto ó seu contido, as bulas expresan diversos mandatos en materia de ordenanzas e constitucións, condenacións doutrinais, concesión de beneficios, xuízos da Igrexa, decretos de indulxencias, de señoríos eclesiásticos etcétera.

Cando a bula é de extensión e/ou importancia menor denomínase .

Other Languages
aragonés: Bula
العربية: مرسوم باباوي
беларуская: Була
беларуская (тарашкевіца)‎: Була
български: Була
català: Butlla
čeština: Papežská bula
Cymraeg: Bwl
dansk: Bulle
English: Papal bull
Esperanto: Buleo (papo)
español: Bula
euskara: Bulda
hrvatski: Papinska bula
Bahasa Indonesia: Bulla kepausan
日本語: 教皇勅書
한국어: 교황 칙서
Lëtzebuergesch: Peepstlech Bulle
македонски: Була
Bahasa Melayu: Bulla paus
Nederlands: Bul (document)
norsk nynorsk: Bulle
polski: Bulla
português: Bula pontifícia
русский: Булла
Scots: Papal bull
srpskohrvatski / српскохрватски: Papinska bula
slovenčina: Pápežská bula
slovenščina: Papeška bula
svenska: Påvlig bulla
українська: Папська булла
Tiếng Việt: Tông sắc
中文: 教宗诏书