Baloncesto

Este é un dos 1000 artigos que toda Wikipedia debería ter.
Pelotas de baloncesto.

O baloncesto (basketball en inglés) é un deporte colectivo inventado en 1891 polo profesor de Educación Física James Naismith, na Asociación Cristiá de Mozos de Springfield, EUA. Cada un dos dous equipos está formado por cinco xogadores. Ten como obxectivo pasar a pelota por dentro dunha cesta colocada nas extremidades da pista. Actualmente pode xogarse tamén en pistas ao aire libre. Neste deporte pódense facer os cambios de xogadores que o adestrador estime necesarios. As posicións máis comúns dos xogadores son: base, escolta, aleiro, ala-pivote e pivote. O base ten a función de dirixir o xogo.

Os xogadores poden camiñar na pista sempre que boten contra o chan a pelota a cada paso dado. Tamén é posíbel dar un pase, ou sexa, lanzar a pelota en dirección a un compañeiro de equipo.

Cesta ou canastra é o nome dado comunmente ao tiro de facer a pelota pasar por ese aro; entón márcanse puntos:

  • Dous puntos no caso do lanzamento entre a liña de fondo e a chamada liña dos 3 puntos
  • Tres puntos se o lanzamento viñer de fóra desa área
  • E un punto cando o lanzamento viñer dun tiro libre.

Unha grande habilidade no baloncesto é a puntería certeira. Polo tanto, os equipos deben facer puntos sempre do mesmo lado - é a media pista de ataque - e defender a cesta oposta - na media pista de defensa. Obviamente o equipo que defende tenta impedir que o equipo que ataca faga canastra, a través da marcación, da interceptación de pases ou ata mesmo do bloqueo ao lanzamento. No entanto, os contactos máis fortes púnense como falta. Se o xogador fixer cinco faltas, debe ser substituído e non pode volver á pista. A partir da cuarta falta colectiva dun equipo, o equipo adversario ten dereito a tiros libres toda vez que sufra unha falta. En caso de que estea no acto do lanzamento e a pelota entre na cesta, terá dereito a un tiro libre. No caso de a pelota non entrar na cesta, terá tantos tiros libres como o valor do lanzamento tentado ao sufrir a falta.

Xogador coa posesión da pelota

Actualmente o baloncesto internacional atópase organizado na FIBA - Federación Internacional de Baloncesto. A súas determinacións valen para todos os países onde se xoga o baloncesto, excepto para a liga profesional dos EUA, a NBA, que mantén regras propias un pouco diferentes das internacionais. A expectativa é que as dúas entidades aproximen cada vez máis os seus regulamentos.

Para xogos regulamentados pola FIBA, o tempo de xogo oficial é de 40 minutos, divididos en catro períodos iguais de 10 minutos cada un. Entre o 2º e 3º períodos, hai intervalo de 15 minutos, e invértense as pistas de ataque e defensa dos equipos; logo, cada equipo defende en dous períodos cada cesta. Ao contrario doutros deportes colectivos, non hai sorteo para definir quen ten a posesión de pelota no comezo do xogo: a pelota lanzase para cima por un árbitro, e un xogador de cada equipo (naturalmente o máis alto) colócase para saltar e tentar obter a posesión.

Non se permite saír dos límites da pista, e nos xogos oficiais tampouco se permite que o xogador leve a pelota para a pista de ataque e retorne para a pista de defensa. Alén diso, hai tamén unha limitación de tempo (24 segundos) para facer a cesta, e a prohibición de que o atleta salte e retorne ao chan coa posesión de pelota, sen executar lanzamento ou pase. As faltas cóbranse da lateral de pista, así como as demais violacións; no entanto, en caso de que un equipo cometa máis de 4 faltas nun período, as faltas do adversario pasan a cobrarse na forma de tiro libre: o xogador colócase nunha liña a 4,60 metros da cesta e lanza sen a marcación dos rivais. O tiro libre tamén se cobra cando un xogador sofre falta no momento en que está tentando un lanzamento - independentemente do número total de faltas do equipo adversario.

Alén da NBA, que se considera unha liga moi emocionante e espectacular, o principal torneo de clubs de baloncesto é a Euroliga. Se dun lado a NBA conta cos xogadores de maior poder defensivo e de forza, a Euroliga conta con xogadores máis cerebrais e técnicos. Xa entre as seleccións, o torneo máis importante aínda é o Olímpico.

O baloncesto en cadeira de rodas é unha modalidade bastante coñecida entre os deportes para persoas discapacitadas.

O Mini Baloncesto é a forma de disputa do deporte para nenos con menos de 12 anos. Foi desenvolvido como unha forma divertida de descubrir o baloncesto. Algunhas regras son diferentes do baloncesto tradicional. A altura da cesta (do aro ata o solo) é de 2,60 m. O tempo de xogo recomendado pola FIBA é de 2 (dous) períodos de 20 minutos; no entanto, algúns Estados introduciron adaptacións a esta regra visando un maior desenvolvemento do xogo. No Río de Xaneiro, por exemplo, úsanse 3 (tres) períodos de 5 minutos. Xa en Sao Paulo se empregan 2 (dous) períodos de 7 minutos.

Tamén como recomendación da FIBA, visando a participación do maior número de xogadores, existe unha regra referente á substitución de atletas: "cada xogador debe xogar no mínimo en dous períodos, excepto aqueles que tiveren sido substituídos por lesión, descualificación ou que teñan cometido 5 faltas persoais." Esta regra tamén sofre adaptacións nalgúns Estados.Outra gran diferenza cando se compara co baloncesto tradicional obsérvase ao final do xogo, en caso de que o partido presente empate, este é o resultado final, non se debendo xogar ningunha prorrogación.

Seareiros que forman parte da "Demencia" do Estudiantes

Obxectivo do xogo

O obxectivo do xogo é introducir a pelota no cesto do equipo adversario (marcando puntos) e, simultaneamente, evitar que esta sexa introducida no propio cesto, respectando as regras do xogo. O equipo que obtiver máis puntos no fin do xogo vence.

A competición é dirixida por:

  • Tres árbitros, que teñen con función aseguraren o cumprimento das regras do xogo.
  • Un marcador e o seu auxiliar, que teñen como funcións encher previamente o boletín de xogo, onde rexistran os puntos marcados, as faltas persoais e técnicas etc.
  • O cronometrista, que verifica o tempo de xogo e os descontos de tempo
  • Un operador de vinte e catro segundos, que controla os 24 segundos que cada equipo dispón para a posesión ininterrompida da pelota.
Other Languages
Afrikaans: Basketbal
Alemannisch: Basketball
aragonés: Baloncesto
Ænglisc: Cawlþōðer
العربية: كرة السلة
asturianu: Baloncestu
azərbaycanca: Basketbol
تۆرکجه: بسکتبال
башҡортса: Баскетбол
Boarisch: Basketboi
žemaitėška: Krepšėnis
Bikol Central: Basketbol
беларуская: Баскетбол
беларуская (тарашкевіца)‎: Баскетбол
български: Баскетбол
Bahasa Banjar: Baskét
brezhoneg: Basketball
bosanski: Košarka
буряад: Баскетбол
català: Basquetbol
Mìng-dĕ̤ng-ngṳ̄: Lài-giù
нохчийн: Баскетбол
Tsetsêhestâhese: Hohtsemo
čeština: Basketbal
Чӑвашла: Баскетбол
Cymraeg: Pêl-fasged
dansk: Basketball
Deutsch: Basketball
Thuɔŋjäŋ: Dökthiɔ̈l
Zazaki: Basketbol
English: Basketball
Esperanto: Korbopilkado
español: Baloncesto
eesti: Korvpall
euskara: Saskibaloi
estremeñu: Baloncestu
فارسی: بسکتبال
suomi: Koripallo
Võro: Korvpall
føroyskt: Kurvabóltur
français: Basket-ball
furlan: Bale tal zei
Frysk: Basketbal
Gaeilge: Cispheil
Gàidhlig: Ball-basgaid
Avañe'ẽ: Ajakakuapytĩ
客家語/Hak-kâ-ngî: Làm-khiù
עברית: כדורסל
हिन्दी: बास्केटबॉल
Fiji Hindi: Basketball
hrvatski: Košarka
Kreyòl ayisyen: Baskètbòl
magyar: Kosárlabda
Հայերեն: Բասկետբոլ
interlingua: Basketball
Bahasa Indonesia: Bola basket
Interlingue: Basketball
Ilokano: Basketbol
italiano: Pallacanestro
Patois: Baaskitbaal
Basa Jawa: Baskèt
ქართული: კალათბურთი
Qaraqalpaqsha: Basketbol
Kabɩyɛ: Ɖaakuɖe pombo
қазақша: Баскетбол
한국어: 농구
kurdî: Basketbol
коми: Кудсяр
Кыргызча: Баскетбол
Lëtzebuergesch: Basketball
лакку: Баскетбол
лезги: Баскетбол
Lingua Franca Nova: Bascetbal
lietuvių: Krepšinis
latviešu: Basketbols
मैथिली: बास्केटबल
олык марий: Баскетбол
Baso Minangkabau: Bola basket
македонски: Кошарка
Bahasa Melayu: Bola keranjang
Malti: Baskitbol
Mirandés: Basquetebol
မြန်မာဘာသာ: ဘတ်စကက်ဘော
مازِرونی: بسکتوال
नेपाली: बास्केटबल
नेपाल भाषा: बास्केटबल
Nederlands: Basketbal
norsk nynorsk: Korgball
norsk: Basketball
Sesotho sa Leboa: Kgwele ya ntlatlana
occitan: Basquetbòl
Livvinkarjala: Basketbol
ਪੰਜਾਬੀ: ਬਾਸਕਟਬਾਲ
Pangasinan: Basketball
polski: Koszykówka
پنجابی: باسکٹ بال
português: Basquetebol
Runa Simi: Isanka rump'u
rumantsch: Ballabasket
română: Baschet
русский: Баскетбол
русиньскый: Баскетбал
Kinyarwanda: Umupira w’agatebo
саха тыла: Баскетбол
sicilianu: Palla a canistru
Scots: Basketbaw
srpskohrvatski / српскохрватски: Košarka
Simple English: Basketball
slovenčina: Basketbal
slovenščina: Košarka
Gagana Samoa: Pasiketipolo
Soomaaliga: Kubadda Koleyga
српски / srpski: Кошарка
svenska: Basket
Kiswahili: Mpira wa kikapu
ślůnski: Korbbal
тоҷикӣ: Баскетбол
Türkmençe: Basketbol
Tagalog: Basketbol
Türkçe: Basketbol
татарча/tatarça: Баскетбол
ئۇيغۇرچە / Uyghurche: ۋاسكېتبول
українська: Баскетбол
oʻzbekcha/ўзбекча: Basketbol
vèneto: Bałacanestro
Tiếng Việt: Bóng rổ
West-Vlams: Basket
Winaray: Basketbol
吴语: 篮球
მარგალური: კარაჩხაბურთი
ייִדיש: קוישבאל
Vahcuengh: Lanzgiuz
中文: 篮球
Bân-lâm-gú: Nâ-kiû
粵語: 籃球