Adolfo Sánchez Vázquez

Adolfo Sánchez Vázquez, nado en Alxeciras o 17 de setembro de 1915 e finado en Cidade de México o 8 de xullo de 2011, foi un filósofo, escritor e profesor mexicano oriúndo de España. [1]

Traxectoria

Logo de estudar Filosofía na Universidade de Madrid, emigrou a México en 1939 xunto a outros miles de intelectuais, científicos e artistas, despois da caída da Segunda República Española, durante a Guerra Civil. Obtivo un doutorado en Filosofía pola Universidade Nacional Autónoma de México, onde impartiu clases como profesor emérito. Foi presidente da Asociación Filosófica de México e membro do Consejo Consultivo de Ciencias de la Presidencia de la República.

Adoptou unha versión aberta, renovadora, crítica e non dogmática do marxismo. Con respecto á ética, opúxose ao normativismo.