Leonid Brezhnev

Leonid Ilyich Brezhnev
Леонид Ильич Брежнев
Brezhnev 1973.jpg

Ard-Rúnaí Pháirtí Cumannach an Aontais Shóivéadaigh
In oifig
14 Deireadh Fómhair, 196410 Samhain, 1982
Réamhtheachtaí:Nikita Khrushchev
Comharba:Yuri Andropov

Dáta breithe19 Nollaig, 1906
Áit bhreitheKamenskoe, Impireacht na Rúise
Dáta báis10 Samhain, 1982
 Moscó, APSS
GairmInnealtóir
Síniú
LEONID BREZHNEV SIGNATURE.svg

Bhí Leonid Ilyich Brezhnev (Rúisis: Леони́д Ильи́ч Бре́жнев, Leonid Il'ič Brežnev; 19 Nollaig, 190610 Samhain, 1982) ina cheannaire ar an Aontas Sóivéadach idir an 14 Deireadh Fómhair 1964 agus lá a bháis sa bhliain 1982. Is é an ceannaire a chaith an tréimhse is faide sa phost seo, ach amháin Iósaf Stailín.

A óige

Rugadh Brezhnev i gKamenskoe (inniu: Dniprodzerzhyns'k) san Úcráin, agus b'iad a thuismitheoirí Illya Yakovlevich Brezhnev, fear oibre i dteilgcheárta cruach, agus a bhean Natalia Denisovna. Rúiseach ab ea Illya Brezhnev, agus Úcráineach a bhí i Natalia Denisovna. Bhí blas na hÚcráinise ar chaint Leonid Brezhnev riamh, agus go dtí an bhliain 1952, chláraigh sé é féin mar Úcráineach (ina dhiaidh sin, mhothaigh sé é féin ina Rúiseach, de réir cosúlachta). Ar nós a lán daoine óga a raibh cúlra an lucht oibre acu san am san Aontas Sóivéadach, fuair Leonid oideachas innealtóireachta agus teicneolaíochta. Ar dtús, rinne sé staidéar ar bhainistíocht úsáide talún, agus ina dhiaidh sin, ar an miotalóireacht. Bhain sé amach a chéim ó Scoil Theicneolaíoch na Miotalóireachta i nDniprodzerzhyns'k, agus é ag dul le hinnealtóireacht i dtionsclaíocht iarainn agus cruach na hÚcráine Thoir. Chuaigh sé sna Cumannaigh Óga sa bhliain 1923, agus sna Cumannaigh féin sa bhliain 1931.

Sna blianta 1935-36, bhí Brezhnev sna saighdiúirí ina choinscríofach. Rinne sé cúrsa foghlama i scoil tancanna, agus ina dhiaidh sin, chaith sé seal ina choimeasár polaitiúil i monarcha tancanna. Sa bhliain 1936, cuireadh ag obair in Dnepropetrovsk é, agus sa bhliain 1939, rinneadh Rúnaí Páirtí in Dnepropetrovsk de. Ansin, chuaigh sé i gceannas ar thionsclaíocht armálacha na cathrach.

Bhain Brezhnev leis an chéad ghlúin de Chumannaigh Shóivéadacha nár choinnigh cuimhne ar bith ar na laethanta roimh an Réabhlóid agus a bhí ró-óg le páirt a ghlacadh sa troid faoi cheannasaíocht an pháirtí i ndiaidh bhás Léinín sa bhliain 1924. Nuair a chuaigh Brezhnev sa Pháirtí, b'é Stailín a bhí ina cheannaire agus ina dheachtóir air chomh maith leis an tír go léir. Is iomaí Cumannach cosúil le Brezhnev a tógadh le Stailíneachas agus nach rithfeadh leo tuairimí Stailín a cheistiú ar aon nós. Iad siúd a tháinig slán as an bPurgú Mór sna blianta 1937-1939, d'fhéadfaidís dul chun cinn a dhéanamh go sciobtha, nó is iomaí folúntas a bhí le líonadh go hard i gcóras an Pháirtí agus sa státseirbhís féin.

Other Languages
Afrikaans: Leonid Brezjnef
aragonés: Leonid Brezhnev
asturianu: Leonid Brézhnev
Aymar aru: Leonid Brezhnev
azərbaycanca: Leonid Brejnev
беларуская (тарашкевіца)‎: Леанід Брэжнеў
български: Леонид Брежнев
brezhoneg: Leonid Brejnev
Esperanto: Leonid Breĵnev
français: Léonid Brejnev
客家語/Hak-kâ-ngî: Leonid Brezhnev
Bahasa Indonesia: Leonid Brezhnev
íslenska: Leoníd Bresnjev
kernowek: Leonid Brezhnev
Lëtzebuergesch: Leonid Iljitsch Brejnew
Malagasy: Leonid Brezhnev
македонски: Леонид Брежнев
Bahasa Melayu: Leonid Brezhnev
مازِرونی: برژنف
Nederlands: Leonid Brezjnev
norsk nynorsk: Leonid Brezjnev
português: Leonid Brejnev
Runa Simi: Leonid Brezhnev
română: Leonid Brejnev
sicilianu: Leonid Brežnev
srpskohrvatski / српскохрватски: Leonid Brežnjev
Simple English: Leonid Brezhnev
slovenščina: Leonid Brežnjev
српски / srpski: Леонид Брежњев
Türkçe: Leonid Brejnev
татарча/tatarça: Леонид Брежнев
oʻzbekcha/ўзбекча: Leonid Brejnev
Tiếng Việt: Leonid Ilyich Brezhnev
მარგალური: ლეონიდ ბრეჟნევი
Bân-lâm-gú: Leonid Brezhnev