Dlí Godwin

Is ionann Dlí Godwin (nó Riail Godwin ar Chomparáidí le Naitsithe) agus nath a chruthaigh Mike Godwin sa bhliain 1990. Deir an dlí seo:

Dá fhad is a leanann díospóireacht idirlín ar aghaidh, is ea is mó an dóchúlacht go ndéanfar comparáid leis na Naitsithe nó le Hitler.

— Mike Godwin <godwin@eff.org>

Luaitear Dlí Godwin go minic i ndíospóireachtaí idirlín mar rabhadh, le cur i gcoinne reitric ghríosaitheach nó comparáidí áiféiseacha.

Ní dhéanann an riail seo aon bhreithiúnas ar oiriúnacht na tagartha nó na comparáide ar leith le Hitler nó leis na Naitsithe, ach dearbhaíonn sí gur mó an dóchúlacht go bhfuil a leithéid le teacht. Is ar an mbunús go mbeadh a leithéid de chomparáid oiriúnach i gcásanna áirithe, go mba cheart ró-úsáid na gcomparáidí le Naitsithe agus Hitler a sheachaint, mar go maolaíonn siad éifeacht comparáide dlisteanaí, dar le Godwin.

Cé gur ceapadh Dlí Godwin ar dtús le haghaidh na ndíospóireachtaí ar Usenet newsgroup, tá an dlí á lua anois le haghaidh díospóireacht shnáithithe ar bith ar líne: liostaí ríomhphoist, cláir teachtaireachtaí, seomraí cainte agus le déanaí, ar shnáitheanna ráiteas ar bhlaganna agus leathanaigh cainte vicí.


Samplaí agus úsáid

Tá traidisiún ann i go leor de na grúpaí nuachta agus i bhfóraim díospóireachta idirlín, go bhfuil deireadh na feide bainte amach ag an snáithe chomh luath is a dhéantar a leithéid de chomparáid agus go bhfuil an argóint "caillte" ar an bpointe boise ag an duine a luaigh na Naitsithe. Tugtar Dlí Godwin ar a leithéid de phrionsabal go minic. Is tuairim choitianta í gur drochbhéas é a leithéid de chomparáid a dhéanamh d'fhonn deireadh a chur leis an díospóireacht.

Ach is féidir mí-úsáid a bhaint as Dlí Godwin, mar ábhar seachráin nó cur i gcéill, a dhéanann iarracht argóint an chomhraic chéile a léiriú mar áibhéil, go háirithe má tá na comparáidí atá á ndéanamh don argóint, oiriúnach don chás. Mhaígh alt san irisleabhar Reason, go mbíonn mí-úsáid á baint as Dlí Godwin chun a bheith ag magadh faoi chomparáidí a bhfuil fiúntas leo go minic.

Other Languages
Afrikaans: Godwin se wet
العربية: قانون جودوين
asturianu: Llei de Godwin
български: Закон на Годуин
brezhoneg: Lezenn Godwin
čeština: Godwinův zákon
English: Godwin's law
Esperanto: Leĝo de Godwin
español: Ley de Godwin
français: Loi de Godwin
hrvatski: Godwinov zakon
Bahasa Indonesia: Hukum Godwin
italiano: Legge di Godwin
lumbaart: Legg del Godwin
latviešu: Godvina likums
македонски: Годвинов закон
Bahasa Melayu: Hukum Godwin
Nederlands: Wet van Godwin
norsk nynorsk: Godwins lov
Kapampangan: Leying Godwin
português: Lei de Godwin
srpskohrvatski / српскохрватски: Godwinov zakon
Simple English: Godwin's law
slovenščina: Godwinov zakon
српски / srpski: Годвинов закон
svenska: Godwins lag
Türkçe: Godwin kanunu
українська: Закон Годвіна