William Frederick Cody

William Frederick Cody
Buffalo Bill's Wild West Show, 1890
Yn de Grand Canyon (1916)

William Frederick Cody, better bekend as Buffalo Bill, ( Scott County ( Iowa), 26 febrewaris 1846 - Denver ( Kolorado), 10 jannewaris 1917) wie in Amerikaanske soldaat, bisonjager en showman.

Biografy

Cody krige syn bynamme doe't er as jager oan de gong gie om de arbeiders oan it Kansas Pacific Spoar fan bizonfleis te foarsjen (Bizon is buffalo yn it Ingelsk). [1] Deselde bynamme waard earder al jûn oan in Bill Comstock. Cody fertsjinne de bynamme doe't er in wedstriid "buffels sjitte" wûn mei 69 tsjin 48.

Hy hat in soad baantsjes hân, hûdejager (trapper) bollefanger, goudsiker ( Fifty-niner) yn Kolorado, ruter yn de Pony Express yn 1860, gids fan kolonisten-karavaans, menner fan postkoetsen, soldaat yn de Amerikaanske Boargeroarloch en bedriuwslieder fan in hotel. [1] Hy waard lykwols ferneamd fan syn Wild West Show.

William Cody krige 1872 de earemedalje (Medal of Honor) foar it sjen litten fan "moed yn aksje" as boargerferkenner foar de kavalry. De medalje waard op 5 febrewaris 1917, 26 dagen nei syn dea, wer ynlutsen omdat er as boarger dêr gjin rjocht op hie neffens de nije rjochlinen dy't it leger yn 1917 útjoech. Yn 1989 waard de medalje fannijs oan him takend.

Nei syn wjerfarren yn it "westen" gie Buffalo Bill de showbusiness yn. Hy toerde troch de Feriene Steaten mei spektakels basearre op syn western-aventoeren. Yn 1883 rjochte er de "Buffalo Bill Wild West Show" op, in soarte fan sirkusattraksje dy't jierrelang omreizge. [1] Annie Oakley (in skerpskutter) en Sitting Bull sieten yn de show. De show fan Buffalo Bill ynspirearre Irving Berlin by it skriuwen fan de musikal Annie Get Your Gun yn 1946.

Yn 1887 trede er mei it hiele sirkus op yn Londen by it fieren fan it jubileum fan keninginne Viktoria en yn 1889 makkee er in omloop troch Europa.

Hy sette syn tinten op tichteby de wrâldtentoanstelling fan Chicago yn 1893, in tûke set dy't sines die foar syn populariteit. [1]

Yn syn libben seach er it Amerikaanske westen bot feroarjen. Tsjin de ein fan syn libben makke er noch mei dat yn Wyoming dêr't er sa fan hâlde de eksploitaasje fan stienkoal, ierdoalje en ierdgas begûn. Yn 1904 waard yn de Shoshonerivier in keardaam boud foar it produsearjen fan elektrisiteit en foar yrrigaasje. De namme fan de daam waard Buffalo Bill Dam.

Nei syn dea waard er, sa't er frege hie,bedobbe yn it Lookout Mountain Park in Kolorado, justjes bewesten de stêd Denver oan de râne fan de Rocky Mountains en mei útsicht oer de Grutte Flakten (Great Plains).

Other Languages
Afrikaans: Buffalo Bill
aragonés: Buffalo Bill
العربية: بوفالو بيل
asturianu: Buffalo Bill
български: Бъфало Бил
bosanski: Buffalo Bill
català: Buffalo Bill
Cymraeg: Buffalo Bill
čeština: Buffalo Bill
Deutsch: Buffalo Bill
English: Buffalo Bill
Esperanto: Buffalo Bill
español: Buffalo Bill
euskara: Buffalo Bill
français: Buffalo Bill
galego: Buffalo Bill
עברית: באפלו ביל
hrvatski: Buffalo Bill
magyar: Buffalo Bill
italiano: Buffalo Bill
ქართული: ბუფალო ბილი
한국어: 버펄로 빌
Lëtzebuergesch: Buffalo Bill
latviešu: Bizonu Bils
Nederlands: Buffalo Bill
polski: Buffalo Bill
português: Buffalo Bill
русский: Буффало Билл
Simple English: Buffalo Bill
slovenčina: Buffalo Bill
slovenščina: Buffalo Bill
српски / srpski: Буфало Бил
svenska: Buffalo Bill
Türkçe: Buffalo Bill
中文: 水牛比爾