Jerobeäm I fan Israel

Jerobeäm's offer yn Bet-El wurdt fersteurd troch in profeet (Gerbrand van den Eeckhout (1656)

Jerobeäm I wie de earste kening fan it Tsienstammenryk Israel. Hy kaam oan de macht nei't de noardlike stammen fan it Feriene Keninkryk Israel út ûnfrede mei it belied fan Salomo's opfolger Rechabeäm harren ôfskieden en in eigen kening keazen. Jerobeäm regearde fan it jier 931 f.Kr. oant 901 f.Kr.

Jerobeäm wie de soan fan Nebat ut Sereda en hearde by de stamme fan Efraïm of Zereda. Syn mem Jerûa wie in widdo (1 Keningen 11:26). Jerobeäm hie tenminste twa soannen: Abia (1 Keningen 14:1) en syn lettere opfolger Nadab. Kening Salomo naam de noch jonge Jerobeäm yn tsjinst en omdat hy goed foldie waard hy opsichter oer syn folk by grutte bouprojekten yn Jeruzalim.

Jerobeäm wurdt oanwiisd as takomstige kening fan Israel

Yn in tiid dat it folk prottele oer it swiere libben ûnder kening Salomo, kaam Jerobeäm ûnderweis ienris de profeet Achia tsjin. It barde dat dy syn mantel yn 12 stikken skuorde en Jerobeäm hjitte der tsien stikken fan op te nimmen. Dy stikken stiene foar de stammen dy't harren ôfskuorre soene fan it keninkryk fan Salomo, om't Salomo it tsjinjen fab frjemde goaden yn it lân tastie en oeral offerhichten hie oanlein foar de goaden fan de Sidoaniërs, de Moäbiten en de Ammoniten. De profeet liet Jerobeäm witte dat hy troch God keazen wie om de nije kening fan Israel te wurden en dat God mei him wêze soe sa lang't hy de foarskriften fan de Hear neilibbe. Doe't Salomo dat gewaar waard, besocht de kening him te deadzjen. Mar Jerobeäm wist yntiids út te piken en krige asyl by farao Sjisjak fan Egypte.

Other Languages
Afrikaans: Jerobeam I
العربية: يربعام
беларуская: Ераваам
brezhoneg: Yarovam Iañ
català: Jeroboam
čeština: Jarobeám I.
Deutsch: Jerobeam I.
Ελληνικά: Ιεροβοάμ Α΄
English: Jeroboam
español: Jeroboam I
فارسی: یربعام
suomi: Jerobeam I
français: Jéroboam Ier
galego: Ieroboam
客家語/Hak-kâ-ngî: Yâ-lò-pô-ôn yit-sṳ
magyar: I. Jeroboám
Bahasa Indonesia: Yerobeam bin Nebat
italiano: Geroboamo
Nederlands: Jerobeam I
polski: Jeroboam I
português: Jeroboão I
română: Ieroboam
русский: Иеровоам I
srpskohrvatski / српскохрватски: Jeroboam
svenska: Jerobeam
Kiswahili: Yeroboamu I
Türkçe: I. Yarovam
українська: Єровоам I