Hypnoaze

Hypnoaze, fan it Grykske ὑπνος, hypnos ("sliep"), is in keunstmjittich opwekke trâns, dy't karakterisearre wurdt troch in ferhege fetberens foar suggestje. It byhearrende eigenskipswurd is 'hypnoatysk' en dejinge dy't immen ûnder hypnoaze bringt is de hypnotiseur. Hoewol't de wittenskiplike skiednis fan it gebrûk fan hypnoaze pas yn 'e achttjinde iuw úteinsette mei de Dútske hypnotiseur Franz Anton Mesmer (dêrfandinne it Ingelske tiidwurd to mesmerise), waard de technyk al lang foar dy tiid tapast troch lju dy't harsels 'magiërs' of 'tsjoenders' neamden, en mooglik ek troch genêzers.

Hypnoaze is fral bekend as foarm fan publyk fermaak, fersoarge troch entertainers as Rasti Rostelli, mar it wurdt tsjintwurdich ek brûkt foar psychologyske behannelings. Hoewol't it gjin terapy op himsels is, kin it wol in helpmiddel wêze om terapeutyske doelen te berikken. Yn dat ramt wurdt it û.m. yn hypnoterapy en regresjeterapy tapast. Hypnotiseurs dy't psychologyske behannelings ferrjochtsje, binne dêrta oplaat en folgje in fêste proseduere om 'e geast fan 'e te behanneljen persoan yn in trânseftige steat fan bewustwêzen te bringen wêryn't de pasjint ûntspand is en dochs konsintrearre op in beskaat ûnderwerp. Registrearre patroanen fan harsensweagen toane oan dat immen dy't ûnder hypnoaze is, him yn in tastân befynt dy't de midden hâldt tusken sliepe en wekjen.

Guon saakkundigen binne fan betinken dat der mar ien soarte hypnoaze is, nammentlik selshypnoaze, dat ek wol autosuggestje neamd wurdt. Sels ûnder begelieding fan in hypnotiseur soe it neffens dizze tinkwize de kliïnt wêze dy't sels gewurde lit dat der in steat fan trâns ûntstiet en bestean bliuwt. Oare saakkundigen tinke dat der njonken selshypnoaze wol deeglik ek in opleine foarm fan hypnoaze bestiet. Yn elts gefal besteane der ferskate stadia fan hypnoaze, fan licht (ferlykber mei in sitewaasje wêrby't men sa yn prakkesaasjes fersinkt dat men alles om jin hinne even ferjit) oant tige swier, wêrby't sels in totaal ferlies fan bewustwêzen foarkomme kin. Yn dit ramt is it fan it heechste belang dat de hypnotiseur ynteger is, mei't de pasjint himsels yn prinsipe fierhinne oan sa'n persoan oerleveret.

  • boarnen, noaten en referinsjes

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

Other Languages
Afrikaans: Hipnose
Ænglisc: Oferswefn
العربية: تنويم إيحائي
asturianu: Hipnosis
azərbaycanca: Hipnoz
беларуская: Гіпноз
беларуская (тарашкевіца)‎: Гіпноз
български: Хипноза
বাংলা: সম্মোহন
bosanski: Hipnoza
català: Hipnosi
Cymraeg: Hypnosis
čeština: Hypnóza
dansk: Hypnose
Deutsch: Hypnose
English: Hypnosis
Esperanto: Hipnoto
español: Hipnosis
eesti: Hüpnoos
euskara: Hipnosi
فارسی: هیپنوتیزم
suomi: Hypnoosi
français: Hypnose
Gaeilge: Hiopnóis
galego: Hipnose
עברית: היפנוזה
हिन्दी: सम्मोहन
հայերեն: Հիպնոս
hrvatski: Hipnoza
magyar: Hipnózis
Bahasa Indonesia: Hipnosis
ייִדיש: היפנאזיע
italiano: Ipnosi
日本語: 催眠
ქართული: ჰიპნოზი
Кыргызча: Гипноз
қазақша: Гипноз
한국어: 최면
Latina: Hypnosis
lietuvių: Hipnozė
latviešu: Hipnoze
မြန်မာဘာသာ: စိတ်ညှို့ပညာ
македонски: Хипноза
Bahasa Melayu: Hipnosis
Nederlands: Hypnose
norsk nynorsk: Hypnose
norsk: Hypnose
occitan: Ipnòsi
polski: Hipnoza
português: Hipnose
română: Hipnoză
русский: Гипноз
srpskohrvatski / српскохрватски: Hipnoza
සිංහල: මෝහනය
Simple English: Hypnosis
slovenčina: Hypnóza
slovenščina: Hipnoza
shqip: Hipnoza
српски / srpski: Хипноза
svenska: Hypnos
తెలుగు: హిప్నాటిజం
Tagalog: Hipnosis
Türkçe: Hipnoz
українська: Гіпноз
oʻzbekcha/ўзбекча: Gipnoz
Tiếng Việt: Thôi miên
中文: 催眠