Hammerfest

Hammerfest
Hammerfest Juni 2005.jpg
Sifers
Ynwennertal9.493 (2009)
Oerflak847,9 km²
Befolkingstichtens11 / km²
Polityk
LânNoarwegen
ProvinsjeFinnmark
GemeenteHammerfest
Oar
Koördinaten
WebsideHammerfest Kommune

Hammerfest (Samysk: Hámmárfeasta) is in stêd en gemeente mei 9493 ynwenners (op 1 jannewaris 2009) yn de provinsje Finnmark yn it noarden fan Noarwegen, net fier fan de Noardkaap.

Hammerfest leit op 70°39' NB, binnen de Noardpoalsirkel, mar hat fanwege de Golfstream in iisfrije haven en gjin permafrost. Troch de lizzing binnen de poalsirkel giet de sinne net ûnder tusken 16 maaie en 26 july (middernachtsinne) en komt de sinne yn de winter tusken 21 novimber en 21 jannewaris net boppe de hoarizon út.

Hammerfest wurdt, lykas ek Kristiansund, Svolvær, Tromsø en Vardø, oandien troch Hurtigruten (kustekspress). De stêd hat ek in fleanfjild: lofthaven Hammerfest (iepene op 30 july 1974).

Hammerfest wie in fiskershaven en jachtgrûn fan belang lang foardat it rjochten krige per Keninklik dekreet fan Kristiaan VII fan Denemark yn 1789.

Ut de skiednis

Brân fan 1890

Hammerfest waard yn 1890 sa'n bytsje foar de helte ferwoaste troch in brân dy't yn in bakkerij ûntstien wie. Nei de brân waard jild en humanitêre help út alle hoeken fan de wrâld wei stjoerd; de grutste donor wie keizer Wilhelm II fan Dútslân. De keizer hie de stêd in tal kearen mei syn jacht besocht en mocht dêr graach wêze.

Mei fanwege de lange tsjustere winters krige Hammerfest al betiid elektryske strjitferljochting (yn 1891).

Twadde Wrâldkriich

Dúts boerd yn Hammerfest yn 1941.
Monumint foar Ole Olsen, Hammerfest

Nei harren oermastering fan Noarwegen fersterken de Dútsers Hammerfest en brûkten de haven as útfalsbasis foar de marine. It belang fan Hammerfest waard grutter nei de Dútse ynfal fan de Sovjet-Uny yn 1941. Der waarden trije kustbatterijen oprjochte en de stêd krige loftôfwargeskut. Hammerfest wie de wichtichste útfalsbasis foar de Dútse U-boaten, dy't skippen op de Atlantyske oanfierrûtes fan de Alliearden oanfoelen. Rûnom de stêd waarden 4000 lânminen lein.

De Dútsers ferlieten Hammerfest tusken de hjerst fan 1944 en 10 febrewaris 1945. De stêd waard folslein ferwoastge útsein in lytse kapel út 1937. Ek no noch wurde geregeldwei minen en munysje út dy tiid fûn en ferneatige.

Other Languages
Afrikaans: Hammerfest
العربية: هامرفست
български: Хамерфест
বিষ্ণুপ্রিয়া মণিপুরী: হাম্মেরফিস্ট
català: Hammerfest
čeština: Hammerfest
dansk: Hammerfest
davvisámegiella: Hámmárfeasta
Deutsch: Hammerfest
English: Hammerfest
español: Hammerfest
euskara: Hammerfest
فارسی: هامرفست
suomi: Hammerfest
עברית: המרפסט
Հայերեն: Համերֆեսթ
hrvatski: Hammerfest
Bahasa Indonesia: Hammerfest
Interlingue: Hammerfest
íslenska: Hammerfest
italiano: Hammerfest
Basa Jawa: Hammerfest
Latina: Hammerfest
Lëtzebuergesch: Hammerfest
Limburgs: Hammerfest
lietuvių: Hamerfestas
Bahasa Melayu: Hammerfest
Plattdüütsch: Kommun Hammerfest
Nederlands: Hammerfest
norsk nynorsk: Hammerfest kommune
norsk: Hammerfest
polski: Hammerfest
Piemontèis: Hammerfest
português: Hammerfest
română: Hammerfest
русский: Хаммерфест
slovenščina: Hammerfest
shqip: Hammerfest
српски / srpski: Хамерфест
Türkçe: Hammerfest
українська: Гаммерфест
Tiếng Việt: Hammerfest
Winaray: Hammerfest
中文: 亨墨菲斯
Bân-lâm-gú: Hammerfest