Foarnamme

In foarnamme is it earste part fan 'e folsleine namme fan in minske. Dizze foarm fan 'e namme wurdt yn ynformele fermiddens brûkt, tusken famyljeleden, freonen en goekunde. Yn kristlike fermiddens waard eartiids (en inkeld noch wol) de oantsjutting doopnamme brûkt foar 'foarnamme'. Mei foarnammen wurde fierders lju útinoar holden dy't deselde efternamme hawwe. Lykwols kin it foarkomme dat minsken sawol deselde efternamme as deselde foarnamme hawwe, fral as it dêrby giet om nammen dy't in protte foarkomme ("Jan de Jong", "Piet Visser", "Klaas Dijkstra") of as it leden fan deselde famylje binne. Faak wurdt de foarnamme ôfkoarte ta in inisjaal, in inkele letter mei in punt derefter ("J. de Jong").

Mear foarnammen

It komt foar dat persoanen mear as ien foarnamme hawwe. Dêrby steane de foarnammen yn in fêste folchoarde. It hawwen fan twa foarnammen komt in protte foar, en dy wurde wol oaninoar ferbûn mei in keppelstreekje, bgl. Gert-Jan Segers, mar faak ek net, bgl. Allard Jan van der Scheer. As se ferbûn wurde troch in streekje, wurde se faak as ien namme behannele en ek as sadanich brûkt. Wurde se net op dy wize ferbûn, dan wurdt ornaris inkeld de earste foarnamme brûkt en de twadde weilitten: Allard van der Scheer. Soms wurdt ien fan beide foarnammen (meastal de twadde) dan ôfkoarte ta in inisjaal, bgl. Albert H. Friedlander, hoewol't de foarm wêrby't de earste foarnamme ôfkoarte wurdt ta in inisjaal, bgl. G. Willem Abma, hiel inkeld ek foarkomt.

Yn 'e Feriene Steaten neamt men in twadde foarnamme in middelnamme, mar dy oantsjutting komt yn Nederlân eins net foar. Wol kin it wêze dat persoanen mear as twa foarnammen hawwe, in gebrûk dat fral mank de adel en yn roomske fermiddens oanwaakse kin ta fjouwer of noch mear foarnammen (bgl. jhr. Tjaard Anne Marius Albert van Humalda van Eysinga). Prins Bernhard, de man fan keninginne Juliana, hie sels njoggen foarnammen: Bernhard Leopold Frederik Everhard Julius Coert Karel Godfried Pieter prins fan Lippe-Biesterfeld.

Under protestantske en sekuliere Friezen komt (of kaam foarhinne) it hawwen fan twadde foarnammen net in soad foar. Om lju mei deselde foar- en efternammen fan inoar te ûnderskieden waard dêrom gebrûk makke fan patronimen, de foarnamme fan 'e heit foarsjoen fan in genityfútgong op -s, dy't as middelnamme tafoege waard, bgl. Piter Sjoerds Gerbrandy, Piter Jelles Troelstra, Jouke Annes Bakker, Sjirk Frânses van der Burg. Dit wie in oerbliuwsel fan 'e Fryske nammen fan foar de tiid dat der efternammen oannommen waarden, doe't de folsleine namme útslutend bestie út in foarnamme en in patronym, bgl. Minne Simens.

Other Languages
العربية: اسم شخصي (صفة)
Boarisch: Tafnåmen
беларуская: Асабістае імя
brezhoneg: Anv-bihan
català: Prenom
čeština: Rodné jméno
dansk: Fornavn
Deutsch: Vorname
Ελληνικά: Όνομα
English: Given name
Esperanto: Persona nomo
español: Nombre de pila
eesti: Eesnimi
euskara: Bataio izen
فارسی: نام کوچک
suomi: Etunimi
français: Prénom
arpetan: Prèniom
עברית: שם פרטי
Հայերեն: Անձնանուն
hornjoserbsce: Předmjeno
Bahasa Indonesia: Nama kecil
íslenska: Eiginnafn
italiano: Prenome
қазақша: Есім
ಕನ್ನಡ: ಅಂಕಿತನಾಮ
한국어: 명 (이름)
Lëtzebuergesch: Virnumm
lumbaart: Nomm
lietuvių: Duotas vardas
Nederlands: Voornaam
norsk nynorsk: Personnamn
polski: Imię
português: Prenome
Runa Simi: Runa suti
română: Prenume
русский: Личное имя
Scots: Gien name
Simple English: Given name
slovenčina: Meno (prvé meno)
slovenščina: Osebno ime
Soomaaliga: Magac
српски / srpski: Lično ime
svenska: Förnamn
українська: Особове ім'я
oʻzbekcha/ўзбекча: Ism
walon: Pitit no
中文: 名字