Ámsterdam

English: Amsterdam

Amsterdam
Ámsterdam

Bandera
Escú
Datus
Ária:	219 km²
Puebración:	840.486 (5/2016)
Densiá:	3.832 ab./km²
Güeb:	www.amsterdam.nl
Cóigu postal	1011 – 1109
Datus Políticus
Presienti:	Femke Halsema (GL)
Partíu nel poel:	GL
Mapa

Ámsterdam (en neerlandés: Amsterdam [ɑmstər'dɑm]) es la capital los Paísis Bahus. La ciá s'alcuentra enas orillas el ríu Amstel. Hue hundá nel siegru XII comu un puebru pesqueru. Ugañoti es la ciá más puebrá d'Olanda, i un gran centru financieru i curtural conocíu entrinacionalmenti.

Tien una puebración de 840.486 abitantis, i ena su área metropolitana vivin aprossimamenti 2,4 millonis. Amás horma parti la gran conurbación olandesa, llamá Randstad (huntu a las ciáis el La Haya i Rotterdam), ena que vivin más de 6,5 millonis d'abitantis.

El centru estóricu la ciá se hizu nel siegru XVII, i entovía es unu los más grandis d'Uropa. N'aquella época hizun ena ciá una seri canalis semicircularis alreol centru la ciá. Endispués s'eificarun las nuevas callis al estilu típicu olandés. Ámsterdam es conocía coloquialmenti comu "La Venezia'l Norti".

Anque es la capital el país, nunca hue sei ela husticia, el gobielnu o'l parlamentu olandés, ya que tos estus meteeros s'atopan ena ciá de La Haya, que es la prencipal ciá d'Olanda, con respetu a política i husticia.

Ámsterdam, i toa Olanda en heneral, tieni fama pola tolerancia, el liberalismu i la divelsiá ela su puebración.

Cañalis d'Ámsterdam