Salvador Puig

Salvador Puig
Monumento a Salvador Puig Antich Barcelona.JPG
Bizitza
Jaiotza Bartzelona1948ko maiatzaren 30a
Herrialdea   Katalunia
Heriotza Bartzelona1974ko martxoaren 2a (25 urte)
Hobiratze lekua Montjuïceko hilerria
Heriotza modua heriotza zigorra
Hezkuntza
Hizkuntzak gaztelania
katalana
Jarduerak
Jarduerak kriminala eta aktibista
http://www.salvadorpuigantich.info

Salvador Puig i Antich ( Bartzelona, 1948ko maiatzaren 30a - ibidem, 1974ko martxoaren 2a) kataluniar anarkista izan zen, 1960ko eta 1970eko hamarkadetan aritu zena. Tribunal Militar batek epaitu ondoren, erregimen frankistak hil egin zuen, Bartzelonan bere bila zebiltzanean jazotako tiroteo batean hil zen Francisco Anguas Barragán polizia hil izana leporatuta. Erregimenak indarra erakutsi nahi zuen Carrero Blanco lehendakaria erail berri zuen unean [1].

Biografia

Salvador Puig i Antich Bartzelonan jaio zen, 1948ko maiatzaren 30ean. Familia xume bateko sei anaia-arreben artean hirugarrena zen Salvador. Bere aita, Joaquín Puig, Acció Catalanako kide izandakoa zen Bigarren Errepublikaren garaian eta Frantziako Argelès-sur-Mereko kontzentrazio esparruan exiliatua egon zen. Espainiara itzuli zenean, heriotza-zigorrera kondenatu zuten, baina azken uneko indultua jaso zuen. Horrela dio Imma Puigek, Salvadorren arreba zaharrenak:

« En casa se respiraba el miedo. Mi padre no quería que nos metiéramos en política, pero por miedo a que nos pasara algo. Pero éramos antifranquistas y queríamos hacer algo contra ese régimen [2]  »

Salvador La Salle Bonanova eskola erlijiosoan hasi zen ikasten eta diziplina faltagatik bota zuten handik, Mataró-ko Salesianoen barnetegian jarraitu zuelarik. 16 urtetatik aurrera, gaueko txandan aritu zen Maragall Institutuko Batxilergoko ikasketetan, ofizina batean lan egiten zuen bitartean; garai hartan ezagutu zituen Movimiento Ibérico de Liberación (MIL) deiturikoan kide izango zituen Javier Garriga eta Oriol eta Ignacio Solé Sugranyes anaiak.