Nicolás Redondo Terreros

Artikulu hau 1958an jaiotako politikoari buruzkoa da;beste esanahietarako, ikus «Nicolás Redondo».
Nicolás Redondo Terreros
Espainiako Diputatuen Kongresuko diputatua

1996-03-26 - 1997-10-20 - Arantza Mendizabal
Barrutia: Bizkaia
Hautaketa: 1996ko Espainiako hauteskunde orokorrak
Espainiako Diputatuen Kongresuko diputatua

1993-06-28 - 1996-01-09
Barrutia: Bizkaia
Hautaketa: 1993ko Espainiako hauteskunde orokorrak
Bizitza
JaiotzaPortugalete1958ko ekainaren  16a (60 urte)
Herrialdea Bizkaia, Euskal Herria
Familia
AitaNicolás Redondo Urbieta
Hezkuntza
HeziketaDeustuko Unibertsitatea
Hizkuntzakgaztelania
Jarduerak
Jarduerakpolitikaria
Sinesmenak eta ideologia
Alderdi politikoaPSE-EE
Espainiako Langile Alderdi Sozialista

Nicolás Redondo Terreros (Portugalete, 1958ko ekainaren 16a) euskal politikaria da, PSE-EE alderdikoa. Nicolás Redondo Urbieta UGTko buruzagiaren semea da. Zuzenbidean lizentziatua da.

Bizitza

Haurtzaroan Las Hurdesen eman zituen hainbat urte, aita han baitzegoen erbesteratua. Deustuko Unibertsitatean zuzenbidea ikasi zuen eta 1975ean, PSOEn sartu. Gazteria Sozialistetan hasi zen politikagintzan eta 1984ko hauteskundeetan legebiltzarkide hautatu zuten. 1989an, Bizkaiko sozialisten idazkari nagusi hautatu zuten. Bizkaiko PSE-EEko idazkari nagusi gisan bederatzi urte eman ondoren, 1997an Euskadiko PSE-EEko idazkari nagusi hautatu zuten alderdiaren III. Kongresuan.

Instituzioetan ere izan du kargurik: Bizkaiko Foru Aldundian Garraio diputatu izan zen, Eusko Legebiltzarreko kide II. Legealdian, Espainiako Gorteetan diputatu 1993tik 1997ra. 1998an, alderdi barruko hauteskundeak egin ondoren, lehendakarigai izendatu zuten alderdikideek. PSOEk 2000. urtean egin zuen 35. Kongresu Federalean PSOEren Batzorde Agintariaren kide eta Harreman Instituzionalen arduradun hautatu zuten eta, urte berean, PSE-EErn IV. Kongresuan PSE-EEren idazkari nagusi hautatu zuten berriro ere. 2001. urteko Euskal Autonomia Erkidegoko legebiltzarrerako hauteskundeetan lehendakarigaia izan zen. 2002an, batetik PSE-EE bere alderdiarekin desadostasunak izanik eta, bestetik, alderdiaren barnean pisua galduta, kargu guztiak utzi egin zituen. Patxi Lópezek ordezkatu zuen.