Nagisa Oshima

Nagisa Oshima
Nagisa Oshima at Cannes in 2000.jpg
Bizitza
JaiotzaKyoto eta Tamano, 1932ko martxoaren 31
Herrialdea Japonia
Talde etnikoajaponiarra
Lehen hizkuntzajaponiera
HeriotzaFujisawa2013ko urtarrilaren 15a (80 urte)
Heriotza moduaberezko heriotza: pneumonia
Familia
Ezkontidea(k)Akiko Koyama
Anai-arrebak
Hezkuntza
HeziketaKyotoko Unibertsitatea
Hizkuntzakjaponiera
Jarduerak
Jarduerakgidoilaria, zinema zuzendaria, zinema ekoizlea eta film-muntatzailea
Jasotako sariak
Nominazioak
IMDbnm0651915

Nagisa Oshima (大島 渚 Ōshima Nagisa?, Kioto, 1932ko martxoaren 31 - Fujisawa, Kanagawa, 2013ko urtarrilaren 15a) japoniar zinema-zuzendaria izan zen.

Biografia

Zuzenbide- eta politika-ikasketak egin zituen Kiotoko Unibertsitatean. 1954an Shochiku estudioetan hasi zen lanean; han zuzendari-laguntzaile gisa jardun zuen eta zinemarako historiak eta zinema-kritikak idatzi zituen. 1959an bere lehen filma egin zuen, Ai to kibo no machi (Usoak saltzen dituen mutikoa), film berritzailea gaiz eta estiloz. 1960an Nihon no yoru to (Gaua eta lainoa Japonian) filma egin zuen Shochikuren baimenik gabe; 1960ean Japonian izandako gertakari larriak aipatzen dituen film honek iskanbila handia sortu zuen, Shochikuk debekatu zuen eta estudioaren eta zuzendariaren arteko harremanak eten ziren. Hurrengo hiru urteetan telebistarako filmak egin zituen, eta artikuluak idatzi zituen. 1965ean bere estudioa sortu zuen, Sozo-Sha, eta hainbat film egin zituen sexua eta hilketa gaitzat harturik. 1970 inguruan zinema independentearen gainbeherarekin batera Oshimak bere estudioa itxi zuen, eta zinema uztekotan ibili zen. 1976an frantses produktore baten laguntzaz eta zentsurari erronka joz bere maisulana egin zuen, Ai no korida (Zentzumenen inperioa), sexuari buruzko film gogorra, eskandalua sortu zuena eta nazioartean arrakasta handia izan zuena. Beste film batzuk: Amakusa Shiro Tokisada (1962, Iraultzailea), Etsuraku (1965, Haragiaren plazerrak), Hakuchu no torima (1966, Ikuspena), Kaettekita yopparai (1968, Hiru mozkorren itzulera), Shonen (1969, Mutikoa), Tokyo sengo hiwa (1970, Tokio gerraren ondoren), Ai no borei (1978, Pasioaren inperioa), Senjo no Merry Xmas, Mr. Lawrence (1983, Eguberri on, Mr. Lawrence), Max, mon amour (1986, Max, ene maitea) eta Taboo (1999).

Other Languages
asturianu: Nagisa Oshima
català: Nagisa Oshima
čeština: Nagisa Óšima
English: Nagisa Oshima
español: Nagisa Ōshima
français: Nagisa Ōshima
Bahasa Indonesia: Nagisa Oshima
italiano: Nagisa Ōshima
日本語: 大島渚
Lëtzebuergesch: Nagisa Ōshima
lietuvių: Nagisa Ošima
Malagasy: Nagisa Ōshima
മലയാളം: നഗിസാ ഒഷിമ
Nāhuatl: Nagisa Ōshima
Nederlands: Nagisa Oshima
português: Nagisa Ōshima
русский: Осима, Нагиса
srpskohrvatski / српскохрватски: Nagisa Ōshima
Simple English: Nagisa Oshima
svenska: Nagisa Oshima
українська: Наґіса Осіма
中文: 大岛渚