Muga konbergente

Muga konbergente baten marrazkia, gertatzen den subdukzioa azalduz.

Muga konbergente bat bi plaka tektonikok elkarrekin talka egiten dutenean sortzen den muga mota da. Muga hauen oinarria bi plaken arteko hurbilketa mugimendua da. Muga hauetan, gehienetan, plaka bat bestearen azpitik sartzen da, mantua deseginez. Muga mota honek, bertan ematen diren presio eta tenperatura baldintzak direla eta, mota desberdineko prozesu geologikoak sortzen ditu, hala nola, mendilerroak. Sumendien sorrerarekin harremanetan dago ere. Bi plakek talka egitearen ondorioz subdukzio eremu deritzona sortzen da. Eremu hauetan bi plaketako bat tolestu egiten da elkar jotzearen ondorioz eta bestearen azpian sartzen da, mantuan hondoratuz.

Aipatu beharrekoa da, orobat, plaka litosferikoen mugimendua zinta garraiatzaile baten antzekoa denez, mugen beste aldean faila transformakorra edo ertz dibergentea egon daitezkeela. [1]

Dortsal ozeanikoak eta muga konbergenteak

Teoria batek dioenez, muga konbergenteak dortsal ozeanikoen ondorioz sortzen dira. Dortsal ozeanikoetan bi plaka elkar urruntzen dira, eta mantutik hozten diren materialak goruntz ateratzen dira, zentruaren bi aldeetara bananduz. Prozesu hau lur azpian ematen diren konbekzio korronte mugimenduan oinarrituta dago. Materialak, mantutik irten ahala hoztu egiten dira, eta ozeano kapa berri bat osatzen da. Dortsal ozeanikoaren bi aldeetara banatzen diren materialak oso mantso aldentzen dira eta pixkanaka, muga konbergente bat dagoen gunera hurbilduz dijoaz. Erlazio honekin ondorioztatu daiteke zinta garraiatzaile mugimendua, litosfera alde batetik hazi egiten delako, dortsal ozeanikoan, eta bestetik, muga konbergenteetan hondoratzen da.

Other Languages
العربية: حدود متقاربة
čeština: Aktivní okraj
فارسی: مرز همگرا
Kreyòl ayisyen: Limit konvèjan
Bahasa Indonesia: Batas konvergen
íslenska: Flekamót
日本語: 収束型境界
한국어: 수렴 경계
português: Limite convergente
srpskohrvatski / српскохрватски: Konvergentna granica
Simple English: Convergent boundary
slovenčina: Aktívny okraj
Tiếng Việt: Ranh giới hội tụ