Miguel Ángel Asturias

Miguel Ángel Asturias
Miguel Angel Asturias, Nobel Prize of Litterature 1967, at the UNESCO's studios.jpg
Guatemalako Kongresuko kidea


Epaimahaiko presidentea Cannesko Zinemaldian


Luchino Visconti - Michèle Morgan
Bizitza
Izen osoa Miguel Ángel Asturias Rosales
Jaiotza Guatemalako Hiria1899ko urriaren 19a
Herrialdea   Guatemala
Heriotza Madril eta Cúcuta1974ko ekainaren 9a (74 urte)
Hobiratze lekua Père Lachaise hilerria
Hezkuntza
Heziketa Parisko Unibertsitatea
Universidad de San Carlos de Guatemala
Hizkuntzak gaztelania
Jarduerak
Jarduerak poeta, idazlea, diplomazialaria, kazetaria, politikaria eta legelari-poeta
Lan nabarmenak Leyendas de Guatemala
Mulata de tal
Jasotako sariak
Nominazioak
Kidetza Generación del 20
Mugimendua surrealismoa
Errealismo magikoa
Genero artistikoa eleberria

Miguel Ángel Asturias Rosales ( Guatemalako Hiria, 1899ko urriaren 19a - Madril, Espainia, 1974ko ekainaren 9a) guatemalar idazlea izan zen. Ipuinak eta eleberriak idatzi zituen batez ere, errealismo magikoa izeneko korrontearen barruan. Hombres de maíz da haren libururik ezagunena. 1967an Literaturako Nobel Saria eskuratu zuen, eta hori lortu zuen lehenengo guatemalarra izan zen.

Bizitza eta lanak

Urte batez medikuntza ikasten ibili ondoren, baina 1923an zuzenbidea amaitu zuen. Ondoren Parisa aldatu, eta Sorbonne Unibertsitatean antropologia ikasi zuen [1]. Hiri horretan surrealistekin harremanetan jarri zen, eta 1923- 1926 bitartean Erdialdeko Amerikako erlijio eta kulturei buruzko ikasketak egin zituen; ikasketa horien emaitza, Leyendas de Guatemala ( 1930) idatzi zuen. Kargu diplomatikoak izan zituen 1946tik 1954ra bitartean, eta gero Argentinan bizi izan zen zenbait urtez.

El señor Presidente (1946) izan zen bere lehen eleberri luzea, Manuel Estrada Cabreraren diktaduraren inguruan. Abertzaletasuna, maien mundu mitologikoa eta bere garaiko Guatemalako gizartearen errealitatea nahasirik ageri dira Hombres de maíz (1949) izenburuko eleberrian. Helburu sozialak eta politikoak nagusi dira beste zenbait lanetan, hala nola, Viento fuerte (1950), El papa verde (1954) eta Los ojos de los enterrados (1955) eleberriek osatzen duten trilogian; hiru horietan kolonialismo ekonomikoak ekarritako gaitzak salatzen ditu. Beste obra batzuk: Weekend en Guatemala (1956), Mulata de tal (1963). Poesia ere landu zuen, inspirazioa bere herrialdeko gaietatik hartuz: Sien de alondra (1949), Ejercicios poéticos en forma de soneto sobre temas de Horacio (1951), Torotumbo (1966).

1966an Parisen Guatemalako enbaxadore zela, Lenin Bake Saria jaso zuen, eta hurrengo urtean, 1967an, Literaturako Nobel Saria.

Other Languages
azərbaycanca: Migel Anhel Asturias
беларуская (тарашкевіца)‎: Мігель Анхель Астурыяс
Bahasa Indonesia: Miguel Ángel Asturias
Lëtzebuergesch: Miguel Ángel Asturias
لۊری شومالی: ميگل آنخل آستورياس
norsk nynorsk: Miguel Ángel Asturias
Simple English: Miguel Ángel Asturias
slovenščina: Miguel Ángel Asturias
oʻzbekcha/ўзбекча: Miguel Ángel Asturias
Tiếng Việt: Miguel Ángel Asturias
მარგალური: მიგელ ასტურიასი
Bân-lâm-gú: Miguel Ángel Asturias