Lesaka

Lesaka
  Nafarroa Garaia, Euskal Herria
Eskol Ttiki etxea eta Onin erreka (Lesaka)..jpg
Lesakako Beheko plaza. Atzealdean, Eskol Ttiki etxe arkupeduna. Aurrealdean, hiribildua bitan banatzen duen Onin erreka eta harlauzazko zubia; hortxe dantzatzen da, San Fermin egunez, zubigainekoa. [1] [2]
Lesakako bandera

Lesakako armarria

Administrazioa
Estatua Espainia
Erkidegoa Nafarroako Foru Erkidegoa
Merindadea Iruñeko merindadea
Eskualdea Bortziriak
Izen ofiziala Bandera de Lesaka.svg Lesaka
Alkatea Jose Luis Etxegarai ( Geroa Bai)
Posta kodea 31.770
INE kodea 31153
Herritarra lesakar
Kokapena
Koordenatuak 43° 14′ 57″ N, 1° 42′ 14″ W / 43° 14′ 57″ N, 1° 42′ 14″ W / 43.249166666667; -1.7038888888889
Lesaka hemen kokatua: Nafarroa Garaia
Lesaka
Lesaka
Lesaka (Nafarroa Garaia)
Openstreetmap logo.svg Ikusi OpenStreetMapen
Azalera 55,54 km2
Garaiera 77 metro
Distantzia 75 km Iruñera
Demografia
Biztanleria 2.742 biztanle
% 51,68 Twemoji 1f6b9.svg   Twemoji 1f6ba.svg % 48,32
Dentsitatea 49,37 biztanle/km²
Hazkundea
(2003-2013) [3]
Green Arrow Up.svg% 3,42
Zahartze tasa [3] % 32,18
Ugalkortasun tasa [3] ‰ 38,66
Ekonomia
Jarduera tasa [3] % 78,96 (2011)
Genero desoreka [3] % 0 (2011)
Langabezia erregistratua [3] % 8,81 (2013)
Kultura
Euskaldunak % 80,78 (2010)
Euskararen erabilera % 57,7 (2011)
Datu gehigarriak
Webgunea http://www.lesaka.eus/


Lesaka [4] Nafarroa Garaiko ipar-mendebaldeko udalerri bat da, Bortzirietako udalerri jendetsuenetan bigarrena ( Bera da lehena). 2014. urtean 2.742 biztanle zituen.

Geografia

Lesakako tokirik garaiena Bianditz gailurrean da, itsas mailatik 840 metro gorago; eta baxuena Endarlatsan, itsas mailatik baino 18 metro gorago baita hor Bidasoa. Bi gune horien artean dago herrigunea, 77 metroko garaieran. [5] Onin errekak udalerria gurutzatzen du, hiribildua bitan banatuz.

Udalerri mugakideak

Lesaka herriaren ikuspegi orokorra.

Lesakak mugakide ditu iparraldean Irun ( Gipuzkoa); hegoaldean Goizueta, Arantza eta Igantzi; ekialdean Bera eta Etxalar; eta mendebaldean Oiartzun (Gipuzkoa).

Klima eta landaredia

Lesakak klima atlantiko-hezea du, negu garaiko aldaketa termiko txikia, eta urte osoan zehar jausten den eurite ugariekin. Neguak ez dira oso hotzak izaten, eta udak nahiko epelak dira. Batez besteko tenperatura 12-14 gradukoa eta prezipitazioak 1.600-2.000mm artekoak izaten dira. Urteroko egun euritsuak 180 inguru dira.

Jatorrizko landaredia (pago eta haritzez osatutakoa) ia erabat desagertu da gizakiaren eragina dela eta. Pagoak udalerriko gunerik garaienetan aurki zitezkeen, eta haritzak gunerik baxuenetan. Gaur egun pagadiak udalerriaren mendebalde eta ipar-mendebaldean daude eta hariztiak iparralde eta sakabanatutako beste hainbat guneetan. Gizakiak jatorrizko basoak kendu eta pinu sailak landatu ditu ( intsinis pinua eta Japoniatik ekarritako laritza).

Estazio meteorologikoak

Lesakan bi estazio meteorologiko daude, bata itsasoaren mailatik 76 metrora, Nafarroako gobernuak 1979an jarritakoa [6], eta bestea San Anton auzoan, itsasoaren mailatik 305 metrora, eta 1991ean jarria. [7]

Auzoak

Herriguneak bi zati ditu, Onin errekak bereiziak: Legarrea ekialdean, Pikuizelaia mendebaldean. [5] Elkarren aurka liskarrean aritu eta gero, XV. mendean bake hitzarmena egin zuten antzinako bi auzo haiek; dirudienez, sute baten aurka guztiak batera aritu behar izanak bultzatu zituen bakeak egitera. Bake hitzarmen haren adierazgarritzat, urtero San Fermin egunez zubigainekoa dantzatzen dute, Beheko plazan, harlauzazko zubiaren gainean (kapitainak) eta Onin errekaren alboetako karelen gainean (gainerako dantzariek). [1] [2]

Hauek dira Lesakako gaur egungo auzoak:

Lesakako auzoak [8]
Auzoa 2013ko biztanleria
Alkaiaga 109
Auzoberri 26
Biurrana 33
Endara 19
Endarlatza 0
Frain 116
Izotzaldea 61
Katazpegi 58
Lesaka 2001
Nabaz 133
Otsango 61
Zala 35
Zalain Zoko 42
Other Languages
aragonés: Lesaca
brezhoneg: Lesaka
català: Lesaka
Cebuano: Lesaka
English: Lesaka
Esperanto: Lesaca
español: Lesaca
suomi: Lesaka
français: Lesaka
magyar: Lesaka
italiano: Lesaka
日本語: レサカ
Bahasa Melayu: Lesaka
Nederlands: Lesaka
occitan: Lesaka
polski: Lesaka
português: Lesaca
русский: Лесака
svenska: Lesaka
українська: Лесака
oʻzbekcha/ўзбекча: Lesaca
Tiếng Việt: Lesaka
Winaray: Lesaka
中文: 莱萨卡
Bân-lâm-gú: Lesaka