Lehen Mundu Gerra

Lehen Mundu Gerra
Lehen-mundu-gerra-laburpen-infografia.jpg
Lehen Mundu Gerrari buruz Berriak egindako infografia
Data1914ko uztailaren 28a1918 azaroaren 11 (su etena)
LekuaEuropa, Afrika eta Ekialde Hurbila
(denbora labur batez, Txina eta Ozeano Bareko uharteak)
EmaitzaAliatuen garaipena
Gudulariak
Erdialdeko PotentziakLehen Mundu Gerrako Aliatuak
Buruzagiak
Flag of Austria-Hungary (1869-1918).svg Franz Ferdinand I.a,
Flag of Austria-Hungary (1869-1918).svgFranz Conrad von Hötzendorf,
Flag of the German Empire.svg Wilhem II.a,
Flag of the German Empire.svg Erich von Falkenhayn,
Flag of the German Empire.svg Paul von Hindenburg,
Flag of the German Empire.svg Reinhard Scheer,
Flag of the German Empire.svg Erich Ludendorff,
Ottoman flag.svg Mehmed V.a,
Ottoman flag.svg İsmail Enver,
Ottoman flag.svg Mustafa Kemal Atatürk,
Flag of Bulgaria.svg Ferdinand I.a
Flag of Russia.svg Nikolas II.a,
Flag of Russia.svg Alexéi Alexéievich Brusílov,
Flag of France.svg Philippe Pétain,
Flag of France.svg Georges Clemenceau,
Flag of France.svg Joseph Joffre,
Flag of France.svg Ferdinand Foch,
Flag of France.svg Robert Nivelle,
Flag of Poland.svg Józef Piłsudski
Flag of the United Kingdom.svg Herbert Henry Asquith,
Flag of the United Kingdom.svg Douglas Haig,
Flag of the United Kingdom.svg John Jellicoe,
Flag of Italy (1861–1946).svg Vittorio Emanuele III.a,
Flag of Italy (1861–1946).svg Luigi Cadorna,
Flag of Italy (1861–1946).svg Armando Diaz,
Flag of the United States (1912-1959).svg Woodrow Wilson,
Flag of the United States (1912-1959).svg John J. Pershing
Indarra
Flag of Austria-Hungary (1869-1918).svg Austria-Hungariako Inperioa,
Flag of Bulgaria.svg Bulgaria (1915tik aurrera),
Flag of the German Empire.svg Alemaniar Inperioa,
Ottoman flag.svg Otomandar Inperioa (1915tik aurrera)
Flag of France.svg Frantzia,
Flag of Belgium.svg Belgika,
Flag of the United Kingdom.svg Britainia Handia,
Canadian Red Ensign (1868–1921).svg Kanada,
Flag of Imperial India.svg India Britainiarra,
Flag of New Zealand.svg Zeelanda Berria,
Red Ensign of South Africa (1910–1912).svg Hegoafrikako Batasuna,
Flag of Australia.svg Australia,
Dominion of Newfoundland Red Ensign.svg Ternua,
Flag of Italy (1861-1946) crowned.svg Italia (1915etik aurrera),
Flag of Russia.svgErrusiar Inperioa (1917 urtera arte),
Flag of the United States (1912-1959).svg AEB (1917tik aurrera),
State Flag of Serbia (1882-1918).svg Serbia,
Montenegroko Erresuma
Flag of Japan.svg Japoniar Inperioa,
Flag of Romania.svg Errumaniako Erresuma,
Flag of Greece (1822-1978).svg Grezia,
Flag of Portugal.svg Portugal
Galerak
Gudariak
Hilak: 4.386.000
Zaurituak: 8.388.000
Desagertuak: 3.629.000
Gudariak
Hilak: 5.520.000
Zaurituak: 12.831.000
Desagertuak: 4.121.000

Lehen Mundu Gerra, Gerra Handia edo Gerra Nagusia[1][oh 1] Europan piztu eta gehienbat bertan jazotako mundu gerra bat izan zen, 1914ko uztailaren 28an hasi eta 1918ko azaroaren 11ra arte iraun zuena. Bere garaian, "gerra guztiekin amaituko duen gerra" deitu zioten[2]. Historiako gudarik handienetako bat izan zen, 70 milioi pertsona mobilizatu baitziren militar aritzeko, tartean 60 milioi europar[3][4]. Estimazioen arabera, bederatzi milioi militar eta zazpi milioi zibil hil ziren gerraren ondorio zuzenez. Horrezaz gainera, hainbat genozidio erraztu zituen, baita 50-100 milioi pertsona hil ere 1918ko gripe pandemiaren hedakuntzan[5][6]. Galera militarrak asko handitu ziren garapen teknologiko eta industrialaren eta lubaki-gerraren ondorioz. Historiako gatazkarik hilgarrienetako bat izan zen, eta oso eragin politiko garrantzitsuak izan zituen hainbat herrialdetan, 1917–1923ko iraultzak barne. Gerratearen amaieran, gatazka batzuk konpondu gabe geratu ziren, hogei urte geroago Bigarren Mundu Gerraren pizgarri izan zirenak[7]. Euskal Herriari ere sekulako hondamendia eragin zion: Lapurdin, Nafarroa Beherean eta Zuberoan «belaunaldi oso bat desagertu zen».[8]

1914rako Europako potentziak bi koaliziotan banatuta zeuden: Entente Hirukoitza alde batetik, Frantzia, Errusiako Inperioa eta Britainia Handiarekin; Aliantza Hirukoitza bestetik, Alemaniako Inperioa, Austria-Hungaria eta Italiarekin. Bigarren hau "defentsarako" sortua zenez gero, 1914an gerratik kanpo gelditzeko aukera eman zion Italiari[9]: geroago sartu zen, 1915ean, Entente Hirukoitzarekin bat eginda. 1914ko uztailaren 24an, Serbia babesteko helburuz, "gerrarako prestaketa garaia" abiarazi zuen Errusiak eta, lau egun geroago Austria-Hungariak Belgrad bonbardatu zuenean, Austriatik gertuen zeuden barruti militarrak mobilizatu zituen. Uztailaren 30ean, Errusiaren mobilizazio orokorra iragarri zen, eta biharamunean berbera egin zuten Austria-Hungariak eta Alemaniak. Alemaniak Errusiari desmobilizazioa galdatu zion baina, ez zuenez egin, gerra deklaratu zion abuztuaren 1ean; Austria-Hungariak gauza bera egin zuen hilaren 6an, eta Frantziak Errusia babesteko mobilizazio orokorra iragarri zuen abuztuaren 2an[10].

Alemaniak bi fronte zituen, Frantziaren eta Errusiaren aurkakoak. Haren estrategia zen armada guztia mendebaldean biltzea Frantzia lau astetan garaitzeko eta, ondoren, ekialderako bidea hartzea, Errusia erabat mobilizatu aurretik; Schlieffen Plana izena eman zitzaion egitasmo horri[11]. 1914 amaieran, ordea, Marneko guduak geldiarazi zuen Alemaniaren aurrerabidea. Hortik aurrera, Mendebaldeko Frontea higadura-gerra batean sartu zen, 1917 arte lubaki lerro luzeetan trabatua. Aldiz, Ekialdeko Frontean gertatu ziren fronte mugimendu handienak. Serbiak 1915ean galdu zuen gerra, eta Errumania, 1916an Aliatuekin bat egin zuena, 1917an izan zen garaitua. Hala ere, botereek ez zuten inongo galera handirik izan 1918 arte. 1917an, Otsaileko Iraultza gertatu zen Errusian, tsarraren autokraziaren ordez, behin-behineko gobernu bat ezarri zuena. Errusia gerratik kanpo gelditu zen, iraultzaileek sinatutako Brest-Litovskeko Itunaren bitartez. Ondorioz, Alemaniak ekialdean zituen tropak mendebaldera lekualdatu zituen, eta 1918ko Udaberriko Ofentsiban erabili. Erasoaldi horrek, baina, huts egin zuen, eta irailaren 28an Alemaniako lider militarrek armistizioa eskatu zuten[12]. Azaroaren 4an, Austria-Hungariak Villa Giustiko armistizioa sinatu zuen. Aldi berean, Gilen II.a Alemaniakoak iraultza zuen etxean, eta bere militarrek ez zuten borrokan segitu nahi; ondorioz, azaroaren 9an uko egin zion koroari eta, bi egun geroago, 1918ko azaroaren 11ko armistizioa sinatu zuen Alemaniak.

Gerraren ondorioz, Errusia, Alemania, Austria-Hungaria eta Otomandar Inperioa nazionalitateetan oinarritutako estatu berritan banatu ziren. Britainia Handia, Frantzia, AEB eta Italiak hainbat baldintza ezarri zituzten 1919ko Parisko Bake Biltzarrean. Beste mundu gerra bat ekiditeko Nazioen Liga sortu zen baina, hainbat arrazoi direla eta, ez zuen helburu hori lortu. Bigarren Mundu Gerran Alemaniako Langile Alderdi Nazionalsozialistak hartu zuen garrantzia dela eta, askotan Versaillesko Itunak Alemania nola tratatu zuen aipatzen da egun, baina bake horrek Europa eta Ekialde Hurbila ere guztiz eraldatu zituen, gaur egunera arte dirauten duten mugekin, kasu batzuetan[13]. Bestalde, Estatu Batuetako Gerra Zibilean hasitako joeratik, gerraren kontzeptua erabat aldatu zuen: amaitu egin zuen Lehen Mundu Gerra aurretik giza aurrerabideari buruz mekanizazioan jarrita zegoen baikortasun guztia. Mekanizazioak, izan ere, gizatasunaren erabateko galera ekarri zuen, eta egoera lazgarriak. Existentzialismoaren gorakada ekarri zuen, eta auzitan jarri zituen ohiko kristautasunaren interpretazioak, baina baita estatu-nazioen goraldia eta lehia ere.

Eduki-taula

Other Languages
Alemannisch: Erster Weltkrieg
žemaitėška: Pėrma svieta vaina
беларуская (тарашкевіца)‎: Першая сусьветная вайна
qırımtatarca: Birinci Cian cenki
emiliàn e rumagnòl: Prémma guèra mundièl
English: World War I
Esperanto: Unua mondmilito
estremeñu: I Guerra Mundial
Nordfriisk: Iarst Wäältkrich
Gàidhlig: An Cogadh Mòr
客家語/Hak-kâ-ngî: Thi-yit-chhṳ Sṳ-kie Thai-chan
Fiji Hindi: World War I
Bahasa Indonesia: Perang Dunia I
Patois: Wol Waar I
Basa Jawa: Perang Donya I
къарачай-малкъар: Биринчи дуния къазауат
Lëtzebuergesch: Éischte Weltkrich
Bahasa Melayu: Perang Dunia Pertama
မြန်မာဘာသာ: ပထမ ကမ္ဘာစစ်
مازِرونی: جهونی جنگ اول
Dorerin Naoero: Eaket Eb I
Plattdüütsch: Eerste Weltkrieg
Nedersaksies: Eerste Wealdkrieg
नेपाल भाषा: तःहताः १
norsk nynorsk: Den fyrste verdskrigen
srpskohrvatski / српскохрватски: Prvi svjetski rat
Simple English: World War I
slovenščina: Prva svetovna vojna
Soomaaliga: Dagaalkii koowaad
српски / srpski: Први светски рат
Basa Sunda: Perang Dunya I
Türkmençe: Birinji jahan urşy
ئۇيغۇرچە / Uyghurche: بىرىنچى دۇنيا ئۇرۇشى
oʻzbekcha/ўзбекча: Birinchi jahon urushi
vepsän kel’: Ezmäine mail'man voin
Volapük: Volakrig balid