Kontzentrazio-esparru

Buchenwald kontzentrazio esparruko langile behartuak, 1945eko martxoaren 16a.

Kontzentrazio-esparrua, kontzentrazio eremua edo zigor itxitura aurkari politikoentzako, etsaientzako edo talde erlijioso zein etnikoentzako, gerra garaian jeneralean, eraikitako atxilotze-gune erraldoia da. Horko presoak talde irizpide horiek (edo beste batzuk) erabiliz atxilotzen dituzte, ez dituzte lege prozesu garbi batean gizabanakotzat epaitzen. Kontzentrazio hitzak osasunik gabeko masifikazioa ere adierazi ohi du.

Hitlerren Alemania Naziko eta Stalinen Sobiet Batasuneko kontzentrazio-esparruak arte, hitzak presoak biltzen ziren gunea (baldintzak kaxkarrak izanda ere) esan nahi zuen. Gaur egun, hitza Holokaustoari lotzen zaio, eta inork ez du erabiltzen bere atxilotze-esparruak izendatzeko. Haren ordez, beste sinonimoak aipatzen dira: barneratze-esparruak... Sarraskitze esparruak eta konzentrazio esparru ugari izan ziren: Auschwitz, Bergen-Belsen, Buchenwald, Dachau, Mauthausen eta beste asko.

Espainia

Espainian ere, 1936 eta 1947 artean hainbat kontzentrazio esparru izan zen. Errepublikar soldaduak, disidente politikoak, homosexualak edo preso arruntak zeuden bertan. Hierarkia bat zegoen presoen artean eta maila handienean zeuden presoek beheko mailakoei agintzen zien lana. Horrela egin zituzten eraikuntza eta obra erraldoiak: Bajo Guadalquivir (Campo de Los Merinales) delakoan eginiko kanala, Valle de los Caídos, trenbideak, urtegiak...

Espainiako hainbat kontzentrazio esparru:

  • Campo de Los Merinales Sevillan.
  • San Marcoseko Ospitalea Leonen. 1936 eta 1939 urte artean, 7.000 gizon eta 300 emakume izan ziren bertan preso.
  • Miranda Ebroko kontzentrazio-esparrua.
  • Castuerako kontzentrazio-esparrua.
  • La Corchuelako kontzentrazio-esparrua.
Other Languages
Afrikaans: Konsentrasiekamp
العربية: معسكر اعتقال
azərbaycanca: Həbs düşərgəsi
беларуская (тарашкевіца)‎: Канцэнтрацыйны лягер
brezhoneg: Kamp-bac'h
Esperanto: Koncentrejo
hrvatski: Sabirni logor
Bahasa Indonesia: Kamp konsentrasi
日本語: 強制収容所
қазақша: Концлагер
한국어: 강제 수용소
Nederlands: Concentratiekamp
norsk nynorsk: Konsentrasjonsleir
srpskohrvatski / српскохрватски: Koncentracioni logor
Simple English: Concentration camp
chiShona: Kamba dzenhapwa
српски / srpski: Сабирни логор
Türkçe: Toplama kampı
Tiếng Việt: Trại tập trung
中文: 集中营
粵語: 集中營