Frederik de Klerk

Frederik de Klerk
Frederik Willem de Klerk 1990.jpg
Hegoafrikako presidenteordea

1994ko maiatzak 10 - 1996ko ekainak 30
Alwyn Schlebusch - Thabo Mbeki
Hegoafrikako presidentea

1989ko abuztuak 15 - 1994ko maiatzak 10
Pieter Willem Botha - Nelson Mandela
Ministro


Hegoafrikako Biltzar Nazionaleko kidea


Minister of Education

Bizitza
JaiotzaJohannesburgo1936ko martxoaren 18a (82 urte)
Herrialdea Hegoafrika
Familia
AitaJohannes de Klerk
Anai-arrebak
Hezkuntza
HeziketaPotchefstroom University for Christian Higher Education
Hizkuntzakingelesa
Jarduerak
Jarduerakpolitikaria eta abokatua
Jasotako sariak
KidetzaAmerikako Sozietate Filosofikoa
Sinesmenak eta ideologia
ErlijioaGereformeerde Kerkea
Alderdi politikoaNational Party
FW DeKlerk sign.png

Frederik Willem de Klerk (Johannesburgo, 1936ko martxoaren 18a-) afrikaner jatorriko abokatu eta politikari hegoafrikar erretiratua da, apartheid garaiko azken presidentea (1990-1994) eta sasoi horri amaiera emateko lan egin zuena. Izan ere, 1993an Bakearen Nobel Saria elkarbanatu zuen Nelson Mandelarekin batera.

Euskal Herrian bizi den gatazka konpontzeko lanetan ere inplikatu da eta Bruselako Adierazpenaren sinatzaileen artean dago.

Bizitza

Zuzenbidea ikasi zuen eta, 1958an, Potchefstroom Unibertsitatean graduatu ondoren, abokatutzan hasi zen lanean, Vereenigingen. Parlamentuko kide aukeratu zuten, 1972an, Alderdi Nazionaletik. Garai hartan, Hegoafrikan, apartheid sistema zegoen indarrean eta, haren kariaz, gutxiengo zuria gehiengo beltzaren gainetik zegoen politika eta gizarte arloko eskubide askori zegokienez. Alderdi Nazionala apartheidaren aldekoa zen. 1989ko abuztuan, Hegoafrikako lehendakaria, P. W. Botha, gaixorik, kargua utzi behar izan zuenean, De Klerk, Alderdi Nazionaleko liderra zenez, behin-behineko lehendakari izendatu zuten. Berehala egin zen hauteskundeetarako deia eta, espero bezala, De Klerk atera zen lehendakari. Baina aldaketa sakonak etorri ziren; izan ere, Frederik De Klerkek, lehendakaritzarako kanpainan, bost urteko plan bat proposatu zuen apartheid sistema gainditu eta herritar guztien ordezkaritza bermatuko zuen konstituzio berri bat onartzeko. Hauteskundeen ondorenean, 1976tik debekaturik zeuden protesta manifestazioak legeztatu ziren eta preso politiko asko irten ziren kalera, Nelson Mandela, Afrikar Kongresu Nazionaleko buruzagi beltza, tartean zela, 1962. urteaz geroztik kartzelan baitzegoen. De Klerk-ek eta Mandelak batera lan egin zuten trantsizioko konstituzio bat sortzeko eta, halaxe, 1993ko abenduan onartu zen. Konstituzio hark, esan bezala, aldaketa handiak ekarri zituen Hegoafrikara. Hasteko, bederatzi eskualde edo probintziatan banatu zen lurraldea, probintzia bakoitzak autonomia aski handia zuela, arraza eta alderdi politiko guztientzat irekitako hauteskundeak egin ziren eta Batasun Nazionaleko gobernu bat eratzea proposatu zen, hauteskunde demokratikoak egin eta lehen bost urteetarako. Hegoafrikako apartheid sistema ezabatzeko egindako lanagatik, 1993an, Bakearen Nobel saria eman zitzaien De Klerki eta Mandelari, erdi bana.

Other Languages
беларуская (тарашкевіца)‎: Фрэдэрык Вілем дэ Клерк
Gàidhlig: F. W. de Klerk
Bahasa Indonesia: Frederik Willem de Klerk
Ripoarisch: Wellem de Klerk
Lëtzebuergesch: Frederik Willem de Klerk
Bahasa Melayu: F.W. de Klerk
română: F. W. de Klerk
srpskohrvatski / српскохрватски: F. W. de Klerk
Simple English: F. W. de Klerk
svenska: F.W. de Klerk
Tiếng Việt: Frederik Willem de Klerk