Flysch

Flyscha Zumaian (Gipuzkoa).
Flyscha Donibane Lohizunen (Lapurdi).

Flyscha arroka sedimentario sekuentzia bat da, ozeano sakoneko orogenian garatu dena. Geruza gogorrak ( kareharria, arbela edo hareharria) eta bigunak ( margak eta buztinak) tartekatzen dira eta tolesdura geologikoak direla-eta geruzok bertikalak edo zeiharrak dira. Egoera ez-horizontal honek higadura errazten du, geruza ugari agerian utziz. Higadura itsasoak egiten badu marearteko zabalgunea era daiteke.

Flysch hitza Bernhard Studer suitzar geologoak erabili zuen lehen aldiz 1827an, Alpeetako hareharri eta arbel geruza sekuentzia izendatzeko. Hitza alemanezko fliessen hitzetik dator ("isuri"), ibaien isuriak sortzen zituela uste baitzuen.

Deba eta Zumaia arteko flyscha

Artikulu nagusia: « Deba eta Zumaia arteko flyscha»

Euskal kostaldean sarritan ageri da flysch egitura, baina Gipuzkoako Deba eta Zumaia artean da ikusgarrien. Gainera, Zumaiako flyscha ( Itzurun) nazioarteko erreferentzia geologikoa da [1], Kretazeoaren eta Tertziarioaren arteko muga ( K-T muga) eta Paleozenoaren eta Eozenoaren artekoa ( P-E muga) argi azaltzen baitira.

Other Languages
aragonés: Flysch
català: Flysch
čeština: Flyš
Deutsch: Flysch
Ελληνικά: Φλύσχης
English: Flysch
Esperanto: Fliŝo
español: Flysch
فارسی: فلیش
français: Flysch
galego: Flysch
hrvatski: Fliš
magyar: Flis
italiano: Flysch
ქართული: ფლიში
Nederlands: Flysch
norsk nynorsk: Flysch
română: Fliș
srpskohrvatski / српскохрватски: Fliš
slovenčina: Flyš
slovenščina: Fliš
shqip: Flishi
српски / srpski: Флиш
svenska: Flysch
українська: Фліш
oʻzbekcha/ўзбекча: Flish