Fimosi

Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Fimosia

Fimosis.jpg

Fimosia duen zakil bat.
Deskribapena
Mota zakileko gaixotasun
Espezialitatea Urologia
Identifikatzaileak
GNS- 10 47
GNS- 9 605
DiseasesDB 10019
eMedicine emerg/423
MeSH D010688D010688
Disease Ontology ID DOID:2712

Fimosia zakilaren egoera bat da, non prepuzioaren zuloa glande edo zakil-mokoari irteten uzteko estuegia den. Beste era batean esanda, fimosia duen zakil batean, prepuzioa ezin daiteke guztiz atzeratu glandearen gainetik. Emakumezkoen artean antzeko kondizio bat gertatzen da, klitoriaren fimosia deritzona, non klitoriaren estalkia atzeratu ezin delako klitoriaren glandearen esposizioa murrizten den.

Sarrera anatomikoa

Gizakiaren zakila hiru zutabez osatuta dago, ehun erektilez osatutakoak: bi gorputz leizetsu (kabernoso) eta gorputz esponjotsu bat. Lehenengo biak bata bestearen ondoan kokatzen dira zakilaren goiko aldean, eta bestea, aldiz, behealdean kokatzen da.

Glandea eremu oso sentikorra da, eta gorputz esponjotsuaren amaieran dago, honen zatirik zabalenean. Kono itxura dauka eta honen amaiera azal askez osatutako tolestura batek estaltzen du, prepuzio izenekoa. Hau, ohiko egoeran, atzeratua izan daiteke glandea agerian uzteko. Prepuzioa lotzen den zakilaren amaierako zatiari galgatxo deritzo.

Glandearen puntan gernu-bide izeneko zuloa dago, hemen amaitzen da uretra. Uretra gorputz esponjotsua zeharkatzen duen hodia da eta bertatik igarotzen dira gernua eta semena, gernu-bidetik irteteko. Esperma (gernu-bidetik atera arte ez zaio semen deitzen) testikuluetan ekoitzi eta epididimoan gordetzen da.

Jaiotzean, prepuzioa glandearekin fusionatuta egon ohi da eta ezin da atzeratu, beraz esan genezake ume (mutil) jaioberri guztiek fimosia daukatela. Hala ere, fusio hau haurtzaro eta nerabezaroan zehar desagertzen doa eta gutxi gorabehera 13 urterekin prepuzioa atzeratu daiteke, glandea agerian utziz, bai zakila tente dagoenean, bai ez dagoenean. Hau gertatzen ez bada fimosia dela esaten dugu. Fimosi hau patologikotzat jotzen da honen ondorioz pixa egitean eta ohiko funtzio sexualak betetzean zailtasunak ematen badira.

Other Languages
العربية: شبم
asturianu: Fimosis
беларуская: Фімоз
català: Fimosi
čeština: Fimóza
Deutsch: Phimose
Ελληνικά: Φίμωση
English: Phimosis
español: Fimosis
فارسی: فیموزیس
français: Phimosis
עברית: פימוזיס
हिन्दी: फाइमोसिस
hrvatski: Fimoza
Հայերեն: Ֆիմոզ
Bahasa Indonesia: Fimosis
italiano: Fimosi
日本語: 包茎
한국어: 포경 (의학)
Кыргызча: Фимоз
македонски: Фимоза
मराठी: फायमॉसिस
Plattdüütsch: Phimoos
Nederlands: Fimosis
norsk: Fimose
ଓଡ଼ିଆ: ଫାଇମୋସିସ
polski: Stulejka
português: Fimose
română: Fimoză
русский: Фимоз
sicilianu: Fimosi
slovenčina: Fimóza
српски / srpski: Фимоза
українська: Фімоз
Tiếng Việt: Hẹp bao quy đầu
中文: 包莖