Aurrekontu-defizit

Defizit publikoa (edota defizit fiskala, aurrekontu-defizita) estatu baten diru sarrerekin konparatuz egiten den gehiegizko gastu publikoa da [1]. Zero defizitaren aurkakoa da, aurrekontuen orekaren aurkakoa alegia. Defizit publikoa Barne Produktu Gordinarekin (BPG) portzentajean neurtzen da, eta adierazle ekonomikoen artean garrantzia handienekoa da, inflazioaren igoeran eragina duen lehena baita.

Defizit publikoa Europako Batasunean sartzeko zorrotz zaintzen egiten den irizpideetariko bat da. Europako Batasunaren barneko herrialdeek BPGren gaineko %3ko defizit publikoa ez gainditzeko konpromisoa dute. Gobernuek defizit publikoari aurre egiteko modu ezberdinak dituzte: zor publikoaren bidez saihestea (letrak, bonuak eta obligazioak).

Zorraren igorpenaren berehalako ondorioa diruaren prezioaren igoera da, eta beraz, inflazioarena. Diru sarrerek gora egin dezakete, baina ez da oso neurri popularra; izan ere, zergen igoera dakar eta beraz, familiak dirua inbertsio eta kontsumoan erabiltzeko duen gaitasuna lermatzen du.

Azkenik gastuak murriztu ditzakete, nahiz eta ez den baliabiderik ohikoena; izan ere, popularrak ez diren erabakiak hartzera behartzen du gobernua: funtzionarioen soldata jaistea, gizarte laguntzak murriztea edo azpiegituretan inbertsioak gutxitzea esaterako.

Defizit fiskalari buruz hitz egiten da, ekonomia itxi batean, gobernuak ez daukanean zor publikoa jaulkitzeko aukerarik, ez herrialde barnean ez kanpoan, eta bere gordailuak amaituta daudenean. Horregatik, banku zentralarekin zorretan geratzea da daukan aukera bakarra.

  • erreferentziak
Other Languages
azərbaycanca: Defisit
башҡортса: Дефицит
Esperanto: Deficito
français: Déficit
Bahasa Indonesia: Defisit
italiano: Deficit
日本語: 黒字と赤字
қазақша: Тапшылық
한국어: 흑자와 적자
lietuvių: Deficitas
Bahasa Melayu: Defisit
Nederlands: Begrotingstekort
саха тыла: Дефицит
oʻzbekcha/ўзбекча: Byudjet taqchilligi
Tiếng Việt: Thâm hụt ngân sách
中文: 赤字
Bân-lâm-gú: Âng-jī