Arga

Arga

Rio Arga.JPG

Arga ibaia Iruñean.
Arga hemen kokatua: Euskal Herriko ibaien mapa
Arga
Arga
Koordenatuak 42° 17′ 47″ N, 1° 47′ 06″ W / 42° 17′ 47″ N, 1° 47′ 06″ W / 42.29638889; -1.785
Kokapena Nafarroa Garaia
Luzera 145 km
Arroa 2.759 km²
Batez besteko emaria 51,4 m³/s

Arga [1] mediterraneorako isurialdea duen Nafarroa Garaiko ibaia da. Aldude mendian dagoen Urkiagaren hegoaldeko mazelan, Erroibarko iparraldean, jaio eta, 145 km egin ondoren, Aragon ibaira isurtzen da, Funestik gertu. Iruñea zeharkatzen du. Eugiko urtegiak Argako urak gordetzen ditu, Iruñerria hornitzeko.

Geografia

Argaren iturburua Urkiagako lepoaren hegoaldeko isurialdean dago, Erroibarko ipar-mendebaldean. Esteribarren sarturik, Erdizaga erreka lotzen zaio eta Eugiko urtegian barneratzen da. Handik behera, Esteribar hego-mendebalderako norabidean zeharkatzen du, Urtasun, Saigots, Zubiri, Urdaitz, Larrasoaña, Zuriain, Antxoritz, Irotz, Zabaldika eta Ollokitik igaroz [2].

Azken herri honetatik behera Iruñerrian sartzen da. Uharten Urbi ibaia hartzen du, eta Ultzama Atarrabian. Handik aurrera Burlata, Iruñea, Barañain eta Ororbiatik igarotzen da, eta Iberotik hurbil Arakil ibaia batzen zaio. Handik behera hegoalderako norabidea hartzen du, Sarbil eta Erreniega mendilerroen artetik. Garesen Robo hartzen du, eta Mendigorritik gertu Nekeas erreka eta Riosalado. Muruzabal Andion, Larraga, Berbintzana, Miranda Arga, Faltzes eta Peralta bainatu ondoren, Funestik hurbil Aragon ibaira isurtzen da [2].

145 kmko luzera du eta 2.759 km²ko eremua drainatzen du, %96 Nafarroan eta gainerakoa (Arakil ibaiaren goialdea) Araban.

Ibaiadarrak

Argaren eskuineko ertzeko ibaiadar nagusiak hauek dira:

Ezkerreko ertzekoak hauek dira:

Zeharkatzen dituen udalerriak

Arga gaineko zubia Garesen.

Hurrengo udalerrietatik igarotzen da Arga ibaia:

Other Languages
беларуская (тарашкевіца)‎: Арга
brezhoneg: Arga
català: Arga
Cebuano: Río Arga
Deutsch: Arga
English: Arga (river)
español: Río Arga
eesti: Arga
français: Arga
galego: Río Arga
Հայերեն: Արգա (գետ)
italiano: Arga
日本語: アルガ川
Latina: Arga
Nederlands: Arga
norsk nynorsk: Arga
polski: Arga
português: Rio Arga
русский: Арга (река)
svenska: Río Arga
中文: 阿爾加河