Provinco Toledo

Situo de la provinco Toledo en Hispanio
Toledo (Provinco Toledo)
DEC
Toledo
Toledo
Provinco Toledo kun la samnoma ĉefurbo Toledo

La provinco Toledo estas provinco de Hispanio, en la okcidenta parto de la regiono de Kastilio-Manĉo. Ties ĉefurbo estas la urbo de Toledo. Ĝi limas kun la provincoj de Madrido, Kvenko, Ciudad Real, Badajoz, Kacereso kaj Avilo.

La provinco enhavas loĝantaron de 639.621 ( 2007), en 204 municipoj, el kiuj Talavera de la Reina estas la plej granda kun populacio de 85.549 loĝ., la dua municipo estas Toledo (78.618), dum la plej malgranda estas Illán de Vacas, kiu, kun populacio de nur 6 loĝantoj, estas ankaŭ la plej malgranda de Hispanio. La provinco kunhavas la naturan lokon de Nacia Parko de Cabañeros kun la provinco de Ciudad Real.

La rivero Taĵo trapasas la provincon el oriente okcidenten kaj ĉe la urboj Talavera de la Reina kaj Toledo.

Geografio

La 15.368 km2 de la provinco de Toledo situas sur ebenaĵo de ĉirkaŭ 590 m de mezaveraĝa altitudo super marnivelo. Dekstre de la rivero Taĵo la deklivo estas de ĉirkaŭ 2/1.000, kun ampleksaj kampoj, mildaj terondoj, tra kie descendas riveroj kaj rojoj de larĝaj valoj; male estas maldekstre, kie la tereno altiĝas rapide, krute, ĝis sude kie estas granda montara zono, kies deklivo atingas ĝis 60/1.000. En la Montoj de Toledo, sude, laŭlonge de la provinco, aperas tri ĉenoj: tiu de la sierra de Los Yébenes, kiu sekvas okcidenten kaj kie estas la plej altaj pintoj, kiel tiuj de Peñafiel (1.420 m), Corral de Cantos (1.419 m) kaj Rocigalgo (1.441 m). Sude estas la sierra de Guadalerzas kaj pli sude kaj okcidente estas la sierra del Pocito. Tiuj lastaj kuniĝas nordokcidente kun la sierra de Altamira, kie finas la provinco.

La montaroj de la provinco kompletiĝas kun la sierra de San Vicente nordokcidente, kiu elstaras el la cordillera Central, de Gredos al Talavera de la Reina. La plej altaj pintoj tie estas San Vicente (1.321 m), la Pelados (1.331 m) kaj la Cruces (1.368 m).

Other Languages
беларуская: Таледа (правінцыя)
беларуская (тарашкевіца)‎: Таледа (правінцыя)
brezhoneg: Proviñs Toledo
čeština: Provincie Toledo
interlingua: Provincia Toledo
Bahasa Indonesia: Provinsi Toledo
日本語: トレド県
한국어: 톨레도 주
Lëtzebuergesch: Provënz Toledo
لۊری شومالی: تولئدو (آستوٙن)
latviešu: Toledo province
Bahasa Melayu: Wilayah Toledo
Nederlands: Toledo (provincie)
norsk nynorsk: Provinsen Toledo
Kapampangan: Toledo (lalawigan)
davvisámegiella: Toledo eanangoddi
Simple English: Toledo Province
Kiswahili: Mkoa wa Toledo
Türkçe: Toledo ili
українська: Толедо (провінція)
oʻzbekcha/ўзбекча: Toledo (provinsiya)
Tiếng Việt: Toledo (tỉnh)
中文: 托萊多省
Bân-lâm-gú: Toledo Séng