John Field

John Field

John FIELD (* 26-an de julio 1782 en Dublino; † 23-an de januaro 1837 en Moskvo) estis irlanda komponisto kaj pianisto. Li estas la inventinto de la nokturno.

Vivo

Field studis komence pianon je sia patro, kiu estis violonisto, kaj poste je Tommaso Giordani. Poste li translokiĝis al Londono, kie lie daŭrigis sian studon je Muzio Clementi. En 1802 li vojaĝis kune kun Clementi al Parizo, unuflanke por prezenti pianojn, aliflanke por mem sinprezenti kiel pianisto. En 1803 ambaŭ iris al Sankt-Peterburgo en Rusio, kie Field poste restis kaj famiĝis kiel artisto kaj instruisto, kio ne malhelpis lin plue entrepreni multajn koncertoturneojn. Ekde 1822 li vivis en Moskvo.

Field estas la unua komponisto, kiu komponis nokturnojn, unumovimentaj karakterpecoj por piano, kiujn karakterizas kanteca trankvila melodio (plejofte en la dekstra mano) kaj vastetenda akompanado per arpeĝataj akordoj (plejofte en la maldekstra mano). Ĉi tiuj pecoj ege influis sur Frédéric Chopin, kiu mem komponis 21 nokturnojn. Pro tio, ke la entute 18 nokturnoj de Field estas la unuaj unumovimentaj karakterpecoj por piano, oni povus rigardi ilin kiel gravaj antaŭantoj por multaj aliaj romantismaj komponistoj, ekz. Felix Mendelssohn Bartholdy, Robert Schumann, Franz Liszt kaj Edvard Grieg.

Field komponis sep pianokonĉertojn, el kiuj la dua (de 1811) eble estas la plej fama, kvankam la kvaran (de 1819) oni ofte rigardas kiel muzike pli valora. Krome ekzistas je aliaj orkestroverkoj tri rondeloj kaj transskribo de la 12-a nokturno de Field, plue grandnombro da komponaĵoj por piano sola, ĉambromuzikaj verkoj kaj kelkaj malmultaj voĉkantaj verkoj.

Field kaj Mozart ambaŭ asertis: „Oni ludo kun monero jsur la manoj“, kaj la moneroj ne defalu dum la ludado.

Other Languages
العربية: جون فيلد
català: John Field
čeština: John Field
Cymraeg: John Field
dansk: John Field
Deutsch: John Field
español: John Field
eesti: John Field
euskara: John Field
فارسی: جان فیلد
suomi: John Field
français: John Field
Gaeilge: John Field
עברית: ג'ון פילד
hrvatski: John Field
magyar: John Field
italiano: John Field
македонски: Џон Филд
Nederlands: John Field
norsk nynorsk: John Field
norsk: John Field
polski: John Field
português: John Field
русский: Филд, Джон
svenska: John Field
Tagalog: John Field
українська: Джон Філд
Tiếng Việt: John Field