Internacia Kortumo

La Palaco de Paco en Hago, la sidejo de la Internacia Kortumo.

La Internacia Kortumo de Justico (IK, france: Cour internationale de Justice; angle: International Court of Justice) estas la ĉefa jurisdikcia organo de la Unuiĝintaj Nacioj kaj havas sian sidejon en la Palaco de Paco ("Vredespaleis") de Hago, Nederlando. Ĝian funkciadon kaj kompetentecon regulas la UN-ĉarto kaj la IK-regularo. Ĝi estas posteulo de la Internacia Konstanta Kortumo starigita kadre de la Ligo de la Nacioj.

Partioj antaŭ la IK povas esti nur ŝtatoj, sed ne internaciaj organizaĵoj aŭ aliaj subjektoj de la internacia juro. Aliron al la IK havas nur kontraktŝtatoj de la IK-statuto. Ili estas unuflanke ĉiuj membroj de UN kaj aliflanke ĉiuj ŝtatoj kiuj estas nemembroj sed akceptis la statuton. Ankaŭ la Ĝenerala Asembleo de Unuiĝintaj Nacioj povas direkti sin al la IK.

La 15 juĝistoj de la kortumo estas ĉiam de 15 malsamaj ŝtatanecoj. Ĝis nun la 5 konstantaj membroj de la Konsilio de Sekureco ĉiam havis juĝistojn, escepte Ĉinio inter 1967 kaj 1985. Juĝistoj estas nomumitaj por 9 jaroj; ĉiun trian jaron oni nomas 5 novajn juĝistojn. La Kortumo uzas du oficialajn lingvojn: kaj la anglan kaj la francan. Ĝi havas konstantan interpretistaron. Multaj kunlaborantoj estas denaske angla- aŭ franc-lingvaj.

Other Languages
беларуская (тарашкевіца)‎: Міжнародны Суд ААН
ગુજરાતી: વિશ્વ અદાલત
Bahasa Indonesia: Mahkamah Internasional
къарачай-малкъар: БМО-ну Халкъла арасы сюдю
پنجابی: عالمی عدالت
русиньскый: Міджінародный суд
srpskohrvatski / српскохрватски: Međunarodni sud pravde
slovenščina: Meddržavno sodišče
татарча/tatarça: BMO Xalıqara Mäxkämäse
українська: Міжнародний суд
oʻzbekcha/ўзбекча: Xalqaro sud
吴语: 国际法院
中文: 国际法院
粵語: 國際法庭