Heziodo

Heziodo kaj Muzo, fare de Gustave Moreau (1891)
Heziodo kaj la Muzo, pentraĵo fare de Eugène Delacroix, kupolo de la Burbona Palaco, meze de la 19-a jarcento

Heziodo estis greka poeto vivinta en la 7-a kaj 6-a jarcentoj a.K. Li estas aŭtoro de "Teogonio".

Filo de terkultivisto, Heziodo travivis kampulan vivon dum sia tuta juneco. Kvankam lia frato trompe akiris pli grandan parton de la patra heredaĵo, Heziodo, danke al sia ŝparemo iĝis baldaŭ pli riĉa ol tiu. Kaj tamen li plurfoje helpis sian malhonestan fraton. Onidire por konvinki tiun fraton sekvi sanan vivon li verkis sian duan faman verkon, kiu estas instrua poemo pri la kamparaj laboroj kaj mastrumado: "Laboroj kaj Tagoj".

Vivo kaj graveco

Post Homero estis Heziodo la plej maljuna poeto europa, de kiu konserviĝis verkoj. Lau la juĝo de la antikvaj homoj li estis la ĉefa reprezentanto de la didaktika kaj de la heroa epopeo. Liaj gepatroj venis el Kyme (Eolio). Post la morto de la patro li ekkverelis kun la frato Perses pri heredo. La subaĉetitaj juĝistoj estis malfavorinta lin ege. Ĉagreniĝinte Heziodo forlasis la patrujon kaj setlis, laŭŝajne, en Nafpaktos/Etolio-Akarnanio. Post murdo en Oineon (Lokris) liaj ostoj laŭkomisie de la orakolejo de Delfo venis al Orĥomenos (Beotio).

Kiel je Homero (reprezentanto de la ionia-homera skolo) estis ankaŭ je Heziodo (reprezentanto de la beotia-lokria skolo) asignita serio da poemoj. Ankaŭ liaj aŭtentikaj verkoj jam frue ŝanĝitis pli malpli tiel en kvanto kiel ankaŭ je kvalito. El la tri sub lia nomo transdonitaj verkoj sendube aŭtentikas, almenaŭ fundamente, Verkoj kaj tagoj. Ili estas admonoj plenaj da mito, fabeloj kaj eldiroj koncerne la minacantan novan proceson fare de la frato post ties fordiboĉo de la hereditaĵoj. Heziodo enverke pledas perlabori monon per sincera laboro donante konsilojn utilajn pri agrikulturo, bestobredado kaj ŝipveturado. Al ĉiuj laboroj proponas Heziodo taŭgajn tagojn. Estante ne tro arta, la poemo estis altestimata ankaŭ pro la morala enhavo.

Aŭtentikas ankaŭ en la fundamento la verko Teogonio, provo sistemigi la diversajn ideojn pri mondokreado, la origino kaj la bataloj de la malnovaj kaj la novaj dioj. La poemo estas duone poezia duone instrua kaj krom la verkoj de Homero la plej grava fonto de greka koncepto pri mondo kaj teologio.

La tria poemo (Aspis Herakleous/Ŝirmilo de Heraklo) jam en antikveco taksitis malaŭtentika. Ĝi priskribas la ŝirmilon de Heraklo, imito de la homera priskribo de la Aĥilo-ŝirmilo priskribita ene de la kadro de la kverelorakonto kun Kyknos. Enkonduke staras versoj kelkaj el iu perdita hezioda poemo kun mitologia-genealogia enhavo, katalogo de la heronioj.

Laŭdindas ĉe Homero la poeziado; ĉe Heziodo pli gravas la pensoj, la didaktikaj ideoj de la tuto: freŝeco, fantazio, naivo homeraj mankas

Kelkaj proverboj de Heziodo:

  • Fidi virinon estas tiel, kiel fidi ŝteliston.
  • Nenion prokrastu ĝis morgaŭ nek ĝis postmorgaŭ.
Other Languages
Afrikaans: Hesiodos
Alemannisch: Hesiod
aragonés: Hesíodo
العربية: هسيودوس
asturianu: Hesíodo
azərbaycanca: Hesiod
Boarisch: Hesiod
беларуская: Гесіёд
български: Хезиод
brezhoneg: Hesiodos
català: Hesíode
corsu: Esiodu
čeština: Hésiodos
dansk: Hesiod
Deutsch: Hesiod
Ελληνικά: Ησίοδος
English: Hesiod
español: Hesíodo
eesti: Hesiodos
euskara: Hesiodo
estremeñu: Esiodu
فارسی: هزیود
suomi: Hesiodos
français: Hésiode
Frysk: Hesiodos
galego: Hesíodo
Hawaiʻi: Hesioda
עברית: הסיודוס
हिन्दी: हेसिओद
hrvatski: Heziod
magyar: Hésziodosz
հայերեն: Հեսիոդոս
interlingua: Hesiodo
Bahasa Indonesia: Hesiodos
íslenska: Hesíódos
italiano: Esiodo
ქართული: ჰესიოდე
қазақша: Гесиод
한국어: 헤시오도스
Latina: Hesiodus
Lëtzebuergesch: Hesiod
lietuvių: Hesiodas
latviešu: Hēsiods
македонски: Хесиод
Plattdüütsch: Hesiod
Nederlands: Hesiodos
norsk nynorsk: Hesiod
norsk: Hesiod
occitan: Esiòde
polski: Hezjod
português: Hesíodo
română: Hesiod
русский: Гесиод
sicilianu: Esìudu
Scots: Hesiod
srpskohrvatski / српскохрватски: Hesiod
Simple English: Hesiod
slovenčina: Hésiodos
slovenščina: Heziod
shqip: Hesiodi
српски / srpski: Хесиод
svenska: Hesiodos
Kiswahili: Hesiodo
தமிழ்: எசியோடு
Türkçe: Hesiodos
українська: Гесіод
Tiếng Việt: Hēsíodos
吴语: 赫西俄德
中文: 赫西俄德
粵語: 赫西俄德