Helmut Lachenmann

Helmut Lachenmann ( * 27-an de novembro 1935 en Stutgarto) estas germana komponisto kaj kompozicio-instruisto.

Studado kaj lernado

Helmut Lachenmann devenis de muzikŝatanta pastrofamilio. Li studis ekde 1955 ĝis 1958 ĉe la Muzikaltlernejo Stuttgart kompozicion, muzikteorion kaj kontrapunkton ĉe Johann Nepomuk David kaj pianon ĉe Jürgen Uhde. Post finado de la kompozicistudado li konatiĝis en 1957 dum la Feriaj Kursoj pri Nova Muziko en Darmstadt la italan komponiston Luigi Nono kaj fariĝis inter 1958 kaj 1960 ties ununura lernanto; pro tio li transloĝiĝis al Venecio.

En 1960 Lachenmann revenis al Germanio, por komence en Munkeno agi kiel liberkrea komponisto kaj pianisto. Ekde 1966 ĝis 1976 li instruis ĉe la muzikaltlernejo en Stutgarto muzikteorion, ekde 1970 li fariĝis prelegisto por muziko ĉe Hochschule für Gestaltung Ulm; ambaŭ instrukomisiojn Lachenmann interrompis en 1972/1973 pro voko kiel estro de kompozicikurso al la Muzikakademio de la Urbo Bazelo. Ekde 1976 ĝis 1981 li tranprenis kompoziciklason ĉe la Ŝtata Altlernejo por Muziko kaj Teatro je Hanovro, antaŭ ol li ĝis sia emeriteco en la jaro 2002 plenumis la saman taskon ĉe la Ŝtata Altlernejo por Muziko kaj Prezenta Arto en Stutgarto. Al liaj lernantoj apartenas i.a. Mark Andre, Alvaro Carlevaro, Clemens Gadenstätter, Harald Muenz, Manuel Hidalgo, Juliane Klein, Wolfram G. Schurig, Juan María Solare, Shigeru Kan-no kaj Stefan Streich.