Grand-Akrao

Ruĝe aperas Grand-Akrao en la mapo pri Ganao

Grand-Akrao estas unu el la dek administraj regionoj de Ganao. Temas pri la plej malgranda regiono de Ganao laŭ areo, kaj ĝi enhavas la landan ĉefurbon, Akrao, kiu ankaŭ estas la regiona ĉefurbo. Ĝi limas norde kun la Orienta Regiono; oriente kun Voltao; sude kun la Atlantiko; kaj okcidente kun la Centra Regiono.

En 1960, Grand-Akrao, tiam konata kiel Ĉefurba Distrikto de Akrao, estis kaj geografie kaj leĝe parto de la Orienta Regiono. Ĝi estis tamen, administrita disigita fare de la ministro respondeca pri la loka administrado. Ekde la 23a de julio 1982, Grand-Akrao estis kreita kiel alia memstara regiono.

Grand-Akrao havas 2.905.726 loĝantojn (2000) pro kio ĝi estas la dua plej loĝata regiono en la lando, post la regiono Aŝantujo kaj entute estas 15,4% el la tuta enlanda loĝantaro.

La etnaj grupoj plej reprezentitaj en Grand-Akrao estas: la akanoj (39,8%), la gao-adangbeoj (29,7%) kaj la eveoj (18%). La akanaj grupoj kun pli da homoj estas la gaoj (18,9%), la fanteoj (10,6%), la aŝantioj (8,3%) kaj la akvapimoj (4,9%).

La akvapimoj, kiuj parolas la dialekton de la akana lingvo, akvapima, vivas norde de la regiono, ĉe la limoj kun la Orienta Regiono.

Other Languages