Auguste Comte

Auguste Comte

Isidore-Auguste-Marie-François-Xavier COMTE aŭ simple Auguste COMTE naskiĝis en Montpellier, Francio, en la 19-a de januaro 1798. Li estis filozofo, kiu kreis Pozitivismon.

En 1814 Comte eniris la Politeknikan Lernejon en Parizo. En letero de 1842 al John Stuart MILL (1806-1873), Comte nomis ĝin "la unua vere scienca komunumo en historio". Kvankam li restis tie nur du jarojn, Comte tie ricevis la influon de sciencistoj kiel la fizikisto Sadi Carnot, (1796-1832), la matematikisto LAGRANGE (1736-1813) kaj la astronomo Pierre-Simon Laplace (1749-1827).

En 1816, post la venko de Sankta Alianco kaj restaŭro de la Burbona dinastio oni fermis la Politeknikan pro politikaj kialoj, kaj Comte interrompis siajn formalajn studojn, sed restis en Parizo. Tiam li legis la ĉefajn verkojn de la samtempaj eŭropaj pensistoj. Unu jaron post sia eliro el la Politeknika Lernejo (1817), Comte iĝis sekretario de l' grafo de Saint-Simon (1760 - 1825), kiu lin profunde influis. Sed la evoluo de l' penso de Comte rompis lian amikecon al Saint-Simon kaj, en 1824, Comte forlasis sian sekretariecon.

En tiu jaro Comte edziĝis kun Caroline Massin, kaj estante sen la salajro de sekretario de Saint-Simon, li instruis matematikon hejme por gajni sian vivon. Du jarojn poste, en la 2-a de aprilo 1826, li komencis en sia hejmo kurson, kiu rezultigis unun el liaj ĉefaj verkoj: Kurso de Pozitiva Filozofio (Cours de Philosophie positive) en ses volumoj, publikigitaj inter 1830 kaj 1842. Kelkaj el la ĉefaj tiutempaj sciencaj gravuloj lernis liajn lecionojn, kiel la kuracisto Henri-­Marie de BLAINVILLE (1777-1850) kaj la pra-psikologo Jean-Étienne Esquirol (1772-1840). Sed la kurso daŭris nur dum 3 lecionoj, ĉar li malsaniĝis je stresa melankolio. De tiam, Comte estis stipendiita de amikoj kaj disĉiploj, kiel la filozofo John Stuart Mill kaj la vortaristo Littré (1801-1881), lia plej entuziasma disĉiplo.

En 1838 li havis novan krizon kaj en 1842 li divorcis. Nur en 1844, kiam li konis Clotilden de VAUX, li revenis al verkado kaj publikigis na Diskurso pri la tuto de Pozitivismo en 1848. Clotilde estis edzino de arestitulo, sed permesis al Comte nur platonan amon. Malgraŭ tio, ŝi restis kiel "muzo" de Comte dum tuta lia vivo, kvankam ŝi mortis jam en 1845.

Dum la lasta fazo de sia laboro, Comte prezentis sian verkon La Sistemo de Pozitiva Politiko (Le Système de politique positive) (1851, 1854), kiu difinas la "homaranan religion", kies liturgio estas bazita je la katolika, kiel montras la verko La Pozitivisma Katekismo (Catéchisme positiviste) (1852).

En la lastaj jaroj de sia vivo, Comte restis tre sola, ĉefe ĉar la plejparto de lia disĉiplaro forlasis lin pro la nova "religio". Auguste COMTE mortis en la 5-a de septembro 1857 en Parizo.

Li deziris tutmondan lingvon kiel nepra ilo por progresigi pozitivan filozofion, tuthomaran religion kaj universalan harmonion.

Other Languages
Afrikaans: Auguste Comte
aragonés: Auguste Comte
العربية: أوغست كونت
asturianu: Auguste Comte
azərbaycanca: Ogüst Kont
беларуская: Агюст Конт
български: Огюст Конт
brezhoneg: Auguste Comte
bosanski: Auguste Comte
català: Auguste Comte
čeština: Auguste Comte
Cymraeg: Auguste Comte
Deutsch: Auguste Comte
Ελληνικά: Ογκίστ Κοντ
emiliàn e rumagnòl: Auguste Comte
English: Auguste Comte
español: Auguste Comte
euskara: Auguste Comte
فارسی: اگوست کنت
français: Auguste Comte
hrvatski: Auguste Comte
հայերեն: Օգյուստ Կոնտ
Bahasa Indonesia: August Comte
íslenska: Auguste Comte
italiano: Auguste Comte
Basa Jawa: Auguste Comte
ქართული: ოგიუსტ კონტი
қазақша: Огюст Конт
Кыргызча: Конт, Огюст
Limburgs: Auguste Comte
lietuvių: Auguste Comte
latviešu: Ogists Konts
Malagasy: Auguste Comte
македонски: Огист Конт
Bahasa Melayu: Auguste Comte
Nederlands: Auguste Comte
occitan: Auguste Comte
ਪੰਜਾਬੀ: ਔਗਿਸਟ ਕੌਂਟ
Piemontèis: Auguste Comte
português: Auguste Comte
Runa Simi: Auguste Comte
română: Auguste Comte
русский: Конт, Огюст
sicilianu: Auguste Comte
srpskohrvatski / српскохрватски: Auguste Comte
Simple English: Auguste Comte
slovenčina: Auguste Comte
slovenščina: Auguste Comte
српски / srpski: Огист Конт
svenska: Auguste Comte
Tagalog: Auguste Comte
Türkçe: Auguste Comte
татарча/tatarça: Огюст Конт
українська: Оґюст Конт
Tiếng Việt: Auguste Comte
Winaray: Auguste Comte
Yorùbá: Auguste Comte
Bân-lâm-gú: Auguste Comte
粵語: 孔德