The Fog

Mirandola-stemma.gif  Miranduléś
C'l artìcul chè 'l è scrit in Miranduléś Emiliàn
Video-x-generic.svg The Fog
The Fog
Fog.png
Na figùra dal film
La fumàna
1980
Regia: John Carpenter
Scritùr: Edgar Allan Poe
John Carpenter • Debra Hill
Atùr: Adrienne Barbeau • Jamie Lee Curtis
Janet Leigh • John Houseman • Tom Atkins
Nancy Kyes • Hal Holbrook • Charles Cyphers
Müsica: John Carpenter
Lengua: Ingléś
Dürä dal film: 93 minüt
Nasiòṅ: Stat Unî


«
Sèra 'l pòrti, mét al cadnàs a 'l fnèstri, a gh'è quèl in dla fumàna!»
(Tagline dal film)


The Fog (La fumàna) 'l è 'n film ad scarésa dal 1980 ad John Carpenter, scrit da lò insém a la Debra Hill, ch'la gh'iva anc mis i bèsi, parténd da 'n sugèt 'd Edgar Allan Poe. Girâ tut cun pôc bèsi (un migliòṅ ad dòlar, un quèl acsè) al 'n à ciapâ invéci dimóndi, da piò ad vint-i-òṅ migliòṅ ad dòlar. La Jamie Lee Curtis la tórna a lauràr insém a 'l regìsta newyurkéś dòp Halloween, la notte delle streghe e chè la cata anc sò màdar, la Janet Leigh scurtlàda sóta la dócia in Psyco.

Sunt

La sità ad Sant Antóni Bay in Califòrgna l'è drē a festegiàr i sò sènt an quànd i tàc'n a sucédar di fat da armàgn'r-ag cuma la mòrt ad tut i pescadōr dna barca ch'l'éra lè lè par turnàr a 'l pòrt pròpria quànd l'éra vgnuda śò la fumàna. Al minìstar dal pòst, Pàdar Malone ( Hal Holbrook), al cata 'n diàri in dua sò nunòṅ 'l iva tgnû lugâ 'n fat segrét: i siē fundadōr ad Sant Antóni (lò par prim) i ìvan fat andàr a fónd ad prupòśit, puntànd-ag còntar al luś dla luméra dal pòrt, na barca ch'l'éra drē a rivàr da lōr, cun insìma un grup ad lebróś. Cun 'l òr catâ sù in dal śdòṅ, chi siē lè i gh'aṅ abû pò i bèsi par tiràr sù la céśa dal paéś.

Adès, par purtàr a cumpimènt la sò vindéta, chi mòrt là, pîṅ 'd arlìa in di cunfrònt di abitànt dla sità, i tórn'n in cal mónd chè lugâ in dla fumàna par cupàr-an siē.

Other Languages
català: La boira
English: The Fog
euskara: The Fog
français: Fog (film, 1980)
italiano: Fog
Nederlands: The Fog
norsk: Tåken
português: The Fog
Simple English: The Fog
српски / srpski: Магла (филм из 1980)
svenska: Dimman (1980)
українська: Туман (фільм)
中文: 夜霧殺機