Gli occhi della notte (film 1967)

Mirandola-stemma.gif Miranduléś
C'l artìcul chè 'l è scrit in MiranduléśEmiliàn
Video-x-generic.svg Wait Until Dark
Gli occhi della notte
Occhi della notte (film 1967).png
Alan Arkin e l'Audrey Hepburn in na figùra dal film
Gl'òć dla nòt
1967
Regia: Terence Young
Scritùr: Frederick Knott
Robert Howard Carrington • Jane Carrington
Atùr: Audrey Hepburn • Alan Arkin • Julie Herrod
Richard Crenna • Jack Weston • Samantha Jones
Efrem Zimbalist Jr. • Robby Benson • Gary Morgan
Müsica: Henry Mancini
Lengua: Ingléś
Dürä dal film: 107 minüt
Nasiòṅ: Stat Unî


«
Mo cuśa vōl'n-i lōr da chi lē?»
(Tagline dal film)


Gli occhi della notte (Gl'òć dla nòt) 'l è 'n thriller dal 1967 ad Terence Young trat da 'n sucès teatràl ad Broadway ad Frederick Knott. Al film 'l à muciâ sù darsèt migliòṅ e mèś ad dòlar dòp ès'r-an custâ sōl tri.

Par cla pelìcula chè la prutagunìsta, l'Audrey Hepburn, l'è stada numinàda a i prèmi Òscar dal 1968.

Sunt

Na dóna ciamàda Lisa ( Samantha Jones) la tōś 'n aparéć da Mòntreal par New York purtànd-as sèg na bàmbula imbutìda 'd dròga. Rivàda a 'l aeropòrt JF Kennedy la la cunségna a 'n futógrafar, Sam Hendrix ( Efrem Zimbalist Jr.), par métar-la via faghénd a mènt ch'a gh'è 'n óm ch'al la tîṅ 'd òć. Sam al viṿ cun sò mujér, la Susy ( Audrey Hepburn), na dóna che dòp avér patî 'n incidènt in màchina l'è dvintàda òrba. Quànd la Lisa la 'l ciàma par la bàmbula, 'l óm al n è più bòṅ ad catàr-la.

Soquànt dè dòp dū malandrèṅ, Mike Talman ( Richard Crenna) e Carlino ( Jack Weston), i rìv'n a cà di Hendrix cardénd ch'la sia qvél dla Lisa. Harry Roat Jr. ( Alan Arkin), 'l óm dl'aeropòrt, al riva anc lò da cla banda e al i cunvìns a jutàr-'l a pascàr la bàmbula adès che la Lisa l'è stada impicàda. Faghénd-as pasàr par di agìnt ad pulisìa i tri i s insfìls'n in cà in du la pòvra Susy la gh'à da difénd'r-as da par lē.

Other Languages