Cannibal Holocaust

Mirandola-stemma.gif  Miranduléś
C'l artìcul chè 'l è scrit in Miranduléś Emiliàn
Video-x-generic.svg Cannibal Holocaust
Cannibal Holocaust.png
Salvatore Basile e Robert Kerman in na figùra dal film
id.
1980
Regia: Ruggero Deodato
Scritùr: Gianfranco Clerici
Atùr: Robert Kerman • Francesca Ciardi • Gabriel Yorke
Salvatore Basile • Luca Barbareschi • Perry Pirkanen
Müsica: Riz Ortolani
Lengua: IngléśSpagnōl • Induneśiàṅ
Dürä dal film: 91 minüt
Nasiòṅ: Itàglia


«
Cinsurâ in vint-a-tri paéś dal mónd.»
(Tagline dal film)


Cannibal Holocaust (id.) 'l è 'n film ad scarésa dal gènar “canìbai” dal 1980 ad Ruggero Deodato.

A 'l èstar 'l è cgnusû anc c'n i tìtui ad “Holocausto caníbal” in Spaggna e ad “Nackt und zerfleischt” in Germâgna.

Sunt

Dòp siē méś ch'i èṅ partî par l' Amaśògna par giràr un ducumentàri p'r al canàł televiśìṿ BDC su na tribù ch'la mét incór' in òpra al canibalìśum in Braśìl, ad na troupe ad quàtar śōvan repòrter, Jack Anders ( Perry Pirkanen), Shanda Tomaso ( Francesca Ciardi), Mark Williams ( Luca Barbareschi) e Alan Yates ( Gabriel Yorke), a n s sà più gnint. P'r andàr-'g a fónd a partìs al prufesōr Harold Monroe ( Robert Kerman) insém a soquànt militàr e a na guìda, Chaco Losojos ( Salvatore Basile).

I prim dè là in dla furèsta i èṅ dimóndi dûr fra bisi, giaguàr, caimàṅ e sangvétuli pò un grup ad salvàdag al tira na frésa impinìda ad curâr masànd òṅ dal grup. In gir a s cata anc un cadàvar mars pódag magnâ par di bègatèṅ e 'n gus scavśâ dna galàna. In séguit Monroe e i suo i rìv'n a 'l vilàǵ di canìbai Shamatari e lè i védan i schéltar di repòrter e la camra ch'i ìvan druâ par giràr al ducumentàri. Al prufesōr al la tōś sèg e al tórna a New York par capìr qvél ch'l è sucès a chi quàtar là.